КіруОРАЛДА ЖАҢА ҮЙ ПАЙДАЛАНУҒА БЕРІЛДІ
Бүгін Орал қаласында 9 қабатты тұрғын үй пайдалануға берілді. Жаңа үйдің ашылуына облыс басшысы Алтай Сейдірұлы қатысып, пәтер иелеріне салтанатты жағдайда кілттерін табыс етті.
Бұл Орал қаласы бойынша апатты жағдайда тұрған тұрғын үйдің орнына салынып, құрылысы аяқталған үшінші үй. Гагарин көшесі 1 мекенжайы бойынша мемлекеттік-жекеменшік әріптестік бағдарламасы аясында салынған үй 126 пәтерлі. Олардың 12-cіне баспаналары апатты деп танылған отбасылар қоныстанса, бірқатар пәтерді «Нұрлы жер», «7-20-25» бағдарламаларының қатысушылары және «Тұрғынүйқұрысжинақбанкі» салымшылары алды.
Жекеменшік-әріптестік бағдарламасы шеңберінде және жеке инвестициялар есебінен қаржыландырылған үй құрылысын «Караванный путь» ЖШС жүргізген.
2016 жылы Орал қаласында апатты жағдайдағы үйлердің саны 52 болған еді. Мемлекеттік-жекеменшік әріптестік бағдарламасы жүзеге асырыла бастаған уақыттан бері 11 апатты үй сүріліп, 113 отбасы ЖАО меншігіндегі тұрғын үйлерге және құрылысшылардың ықпалдарымен уақытша басқа пәтерлерге қоныстанған. 2017 және 2018 жылдары екі үйдің құрылысы аяқталып, 48 отбасы жаңа пәтерге көшірілді.
Жақын арада Құрманғазы көшесі 198 мекенжайы бойынша апатты үйдің орнына салынған көпқабатты жаңа үй пайдалануға берілмек. Сондай-ақ 2019-2020 жылдары тағы үш үйдің құрылысы аяқталады.
Қазір қаладағы апатты үйлердің саны 41-ге азайған.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу