КіруОРАЛДАҒЫ АПАТТЫ МЕКТЕПТІ БҰЗУ ЖҰМЫСТАРЫ БАСТАЛДЫ
Оралда апатты деп танылған №33 ЖБОМ мектебін бұзу жұмыстары басталды.
Құрылысқа жауапты учаске басшысы Кенжебай Бектілеуовтың айтуынша, ескі мектептің орнын тазалау жұмыстары көп ұзамай аяқталады. Бүгінгі жұмыстардың өзіне 30-ға жуық жұмысшы тартылған. Аталмыш білім ошағы өткен жылдың өзінде апатты деп танылып, білім алушылар осы аудандағы қос мектепке көшірілген еді. Өткен ғасырдың 30 жылдары салынған нысанды осыдан бір жыл бұрын аралап көрген халық қалаулылары да жарамсыз екеніне көз жеткізгені аян. Сол уақыттан бері қаржыландыру тетіктері қарастырылып, мемлекеттік сатып алу конкурсы жарияланып, мердігер құрылыс компаниясы анықталды. Бүгінде ескі ғимаратты бұзу жұмыстарының 90 пайызы аяқталған. Күні бүгін ескі ғимараттың спорт залын сүру ғана қалған.
Су жаңа мектептің құрылыс жұмысы наурыз айында басталады деп күтілуде. Ол кезде жұмысшылар қатары да артады дейді сала мамандары. Жобаның негізгі құны 1 млрд. 165 млн. теңге. 300 орындық жаңа мектеп құрылысы 14 ай ішінде аяқталуы тиіс.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу