КіруОРАЛДА ПӘТЕР ҰРЛЫҒЫМЕН АЙНАЛЫСҚАНДАР ҰСТАЛДЫ
Батыс Қазақстан облысы аумағында «Пәтер» республикалық жедел профилактикалық іс-шарасы өткізілді. Мақсат – пәтер ұрлықтарын жасауға қатысты тұлғаларды анықтау және оларды ұстау.
Жедел профилактикалық іс-шарасын өткізу барысында БҚО ПД-ның аумақтық бөліністері тарапынан пәтер ұрлығының 33 фактісі ашылды. Оның алтауы кезекшілік тәулікте анықталды және ашылды, 24 факті бұрын жасалған қылмыстар қатарынан және 3 факті «өткен жылдар» санатынан.
Пәтер ұрлығын жасағаны үшін 33 тұлға және 1 қылмыстық топ ұсталды.
Орал қ. ПБ Абай Пб қызметкерлері Орал қаласының жеке тұрғын үйлерінің бірінде орын алған пәтер ұрлығы ашты. Аталған үйден белгісіз тұлғалар жалпы сомасы 2 700 000 теңге болатын алтын бұйымдар мен тауар-материалдық құндылықтарды ұрлаған.
Жедел іздестіру іс-шаралары нәтижесінде полиция қызметкерлері осы қылмысты жасады деген күдікпен 1974 және 1985 ж.т. екі ер адамды анықтап ұстады.
Аталған факті бойынша Абай полиция бөлімі тарапынан Қазақстан Республикасы ҚК-ның 188-бабы 3-бөлігі бойынша сотқа дейінгі тергеп-тексеру жұмыстары жүргізілуде.
Полицейлер пәтерлер мен үйлерді ұрлық фактілерінен қорғау үшін терезелерге темір торлар орнату қажеттігін айтады. Сондай-ақ үйдің ішіне және сыртына бейнебақылау камераларын қою, күзет сингализациясын қондыру және мамандандырылған күзет қызметтерін тарту ұрлық фактілерінен қорғаудың тиімді әдісі болып саналады.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу