КіруОРАЛДА ЭЛЕКТР ЖЕЛІЛЕРІ ЖАҢАРТЫЛУДА
Оралдағы Деркөл ауданы бойынша әуе желілерін қайта құру жұмыстары жүргізілуде.
Орал қаласы әкімдігінің мәліметінше, бұл аудандағы электр желілерінің 90 пайызының тозығы жеткен. Бүгінде 5,7 шақырым электр әуе желісі, 3 жиынтық трансформаторлық қосалқы станция ауыстырылуда. Қазіргі АС-35 желісі АС-70 сымына ауыстырылып жатыр, яғни қуаттылығы күшейтілуде. Жұмыстар «Батыс Қазақстан ЭЖТК» АҚ инвестициялық бағдарламалары бойынша атқарылып жатыр.
Сонымен қатар ағымдағы жылы қала аумағында 10 нысанда жаңарту жұмыстары жоспарланған. Нақтырақ айтқанда, ТП В15- 2 жұмысшылар аумағы, Круглоозерное-Серебряков ауылдарындағы 12 ұяшық, ТП-191 «Галактика» ойын-сауық орталығы аумағындағы жеке сектор және ТП В23 – 2 жұмысшылар аумағында жаңарту жұмыстары жүргізіледі.
Айта кетейік, 2015 жылдың 25 тамызында «Батыс Қазақстан ЭЖТК» АҚ облыстық энергетика және тұрғын үй-коммуналдық шаруашылығы басқармасымен келісіп, Табиғи монополияларды реттеу және бәскелестікті қорғау комитетінің БҚО бойынша департаментімен бірлесе, 2016-2020 жылдарға арналған қолданыстағы активтерді жаңғырту мен қолдау бойынша инвестициялық бағдарлама жасақтады. Инвестициялық салымдардың орта мерзімді кезеңге көлемі 1 605,1 млн. теңгені құрайды. Инвестициялық бағдарлама шеңберінде 2016-2019 жылдар аралығында 1 165,5 млн теңге қаралған болса, 2020 жылы – 439 млн. теңгеге электр желілерін қайта құрылымдау және жаңғырту шаралары жүзеге асырылмақ.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу