КіруОРАЛДА №51 МЕКТЕПТІҢ ҚҰРЫЛЫСЫ БАСТАЛАДЫ
Бұл туралы бүгін халық алдындағы есеп беру жиынында Орал қаласы әкімі Мұрат Мұқаев хабарлады.
Қазіргі таңда Орал қаласы бойынша 51 мектеп, 50 мемлекеттік және 40 жекеменшік балабақша, 30 шағын орталық және 10 мектептен тыс ұйым жұмыс істейді. Өткен жылдың өзінде Деркөлде және Зашаған кентінде жаңадан 3 мектеп ашылып, қолданысқа берілді. Қала бойынша барлық балабақшаларда 15 мың бала тәрбие алуда. 3-6 жас аралығындағы балалар мектепке дейінгі оқу-тәрбиемен 100 пайыз қамтылған. 2018 жылы 3500 баланы қамтитын 40 жекеменшік балабақша 674 млн. теңгені қамтитын мемлекеттік білім тапсырысына ие болды. Бұл көрсеткіш жыл сайын өсуде. Мысалы, 2014 жылы аталған сомма 28 млн. теңгені құраса, соңғы 5 жылда бұл көрсеткіш 25 есеге артқан. Қаланың барлық мектептері кеңжолақты интернетке қосылған. «Kundelik» электронды мектеп журналдары жүйесін барлық қала мектептері қолданып келеді. 51 қала мектебі «БІЛІМЛЭНД» порталында оның «Imektep» и «Itest» ресурстарында онлайн режимде жұмыс жасаса, қалалық 3 мектепте және оқушылар сарайында IT сыныптары ашылып, қызмет көрсетуде. Келесі оқу жылына жаңа үлгідегі IT кабинеттерді 30 мектепте орнату жоспарлануда.
Барлық қала мектептері мен мектепке дейінгі ұйымдарда балалардың қауіпсіздігін қамтамасыз ету мақсатында бейнекамералар орнатылған. Ағымдағы жылы мектепке қабылдауды және шағын орталықтарға кезекке қоюды жүргізуге мүмкіндік беретін «мектептер мен шағын орталықтар қызметінің процестерін автоматтандыру» бағдарламасын қолданысқа енгізу жұмыстары жүргізілуде.
Биыл Зашағандағы Мамандандырылған халыққа қызмет көрсету орталығы аумағында №51 орта мектептің құрылысы басталады. 900 орындық мектеп осы аудандағы №10, 47 мектептердің жүктемесін азайтып, оқушыларға жайлы жағдай туғызары сөзсіз. Сонымен қатар Зашаған ауданында салынатын тағы екі мектептің ЖСҚ дайындалуда. Болашақ №52 мектеп №30 мектеп ауданында, №53 мектеп «Балауса» және «Болашақ» шағынаудандарынан бой көтереді. Бұдан бөлек Меловые горкидағы №18 мектепке қосымша құрылыс салу жоспарлануда.
Сондай-ақ қала басшысы қаланың солтүстік-шығыс бөлігінен 600 орынға есептелген эстетикалық бағыттағы гимназияның құрылысы үшін құжаттары дайындалып жатқанынын, апатты деп танылған №31, 33 мектептердің ЖСҚ құжаттары дайын екенін жеткізді.
«ЖАЙЫҚ ҮНІ»
Версия для печатиСоңғы жаңалықтар
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді
Президент Республики Казахстан Касым-Жомарт Токаев на днях дал эксклюзивное письменное интервью агентству Синьхуа
Теміржол саласында сыбайлас жемқорлықтың алдын алу мәселелері талқыланды
Пікір үстеу