КіруОрал қаласында «Азаматтық ресурстық орталық» ашылды
Батыс Қазақстан облысы Ішкі саясат басқармасының қолдауымен ашылған орталық үкіметтік емес ұйымдарды құқықтық, техникалық және ақпараттық қолдау көрсетеді.
– Орталықта үкіметтік емес ұйымдарды қолдау мақсатындағы заңгерлік, бухгалтерлік қызметтер көрсетілді. Ол үшін арнайы мамандар шақырылады. Әр үкіметік емес ұйымның өкілдеріне осы алаңға келіп, жұмыс жасауына шаралар өткізуіне жағдай жасалған. Орталықта екі маман жұмыс жасайды. Олар жұмыс регламентін реттеу, және ұйымдардың атқарған жұмыстарын жарықтандыру мақсатында жұмыстанады Кеңсе қажетті техникалық құрал-жабдықтармен қамтылған, – дейді жобаны жүзеге асырушы «Болашақ» корпоративтік қорының жетекшісі Салтанат Тұманбаева.
Салтанат Тұманбаеваның айтуынша, жақын күндері орталық жұмысының тиімділігін арттыру және қойылған мақсаттарына жету үшін үкіметтік емес ұйымдармен жұмыс бойынша әдістемілік құрал дайындалады. Үкіметтік емес ұйымдардың дамуына бағытталған семинарлар өткізу, үкіметтік емес ұйымдардың мектебін ұйымдастыру алдағы уақыттың еншісінде.
Атап өту керек өңірде 655 үкіметтік емес орталық тіркелген. Олар азаматтық бастамаларды дамыту, ғылым мен білімді дамыту, мүмкіндігі шектеулі жандарға қолдау көрсету, гендерлік теңдік, жастарға қолдау көрсету бағыттары бойынша жұмыс жасайды.
Жаңа орталық «ORLI A.Z» бизнес орталығы ғимаратының 5-қабаты 508 кеңсесінде орналасқан.
Эльмира НҰҒМАНОВА
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу