КіруОралға «Музыкалық жас көрермен театры» келді
Облыс әкімі Нариман Төреғалиев өңірімізге іссапармен келген Астана қаласы әкімдігінің «Музыкалық жас көрермен театрының» директоры Асхат Маемировты және театр әртістері 71-ші Канн халықаралық кинофестивалінің жеңімпазы Самал Еслямова, «Дарын» Мемлекеттік жастар сыйлығының лауреаты Асылхан Төлепов, Аман Ғұмаров, Армат Амандықов, Оразалы Игілік, Ернар Мұхамбет пен Жұлқаш Жұмажанды қабылдады.
Кездесу барысында өнерді дәріптеу, театрды қолдау, жас буынның тәрбиесі өңірдегі театр өнерін дамыту мәселелері талқыланды.
-Қасиетті Ақ Жайық өңіріне қош келесіздер. Өнер – халқымыздың басты құндылығы. Ғасырдан-ғасырға адамзат тарихының керуенін өнер әлемінде жалғап келе жатқан театр – көрермендер арасындағы алтын көпір болып келеді.
Сіздер ұйымдастыруға белсене араласып жүрген театрдағы шаралардың, өткізген қойылымдарыңыздың атқаратын рөлі өте маңызды,-деген өңір басшысы халықтың рухани сұранысын қамтамасыз етудегі өнердің, соның ішінде театрдың маңызын атап өтіп, Ақжайық өңіріндегі гастролдік сапарының сәтті өтуіне тілектестік білдірді.
Өз кезегінде театр директоры Асхат Маемиров өзі басқаратын театрдың қызметі, сондай-ақ отандық театрлардың, соның ішінде өңірдегі театрлардың жұмысы туралы баяндады. Ол туған жерге табан тіреген кездегі толқынысын жасыра алмай, құшақ жая қарсы алған жерлестеріне ризашылығын білдірді.
Өнер айдынына енді қадам басқан жас театр 2020 жылдың 1-ші қазанында құрылған болатын. Қазақстан Республикасының Тәуелсіздігі күні қарсаңында есігін айқара ашқан театрдың алғашқы маусымының тұсаукесері – халқымыздың ұлы ақыны әрі ойшылы Абай Құнанбайұлының 175 жылдығына орай сахналанған М.Әуезовтің «Абай-Тоғжан» музыкалық драмасы болды.
Батыс Қазақстан облысы әкімдігі
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу