КіруОблыста тұмауға қарсы екпе салу басталды
Аумақта кешеден бастап тұмау мен ЖРВИ-ге қарсы екпе салу басталды. Ауруға қарсы науқан өткен екі жылмен салыстырғанда биыл өз уақытында басталып отыр. Екпе салу қазан айының аяғына дейін жалағасады. Осылайша адамдардың маусымдық ауруға иммунитет қалыптастырып үлгеруіне мүмкіндік берілуде. Бұл шаралар дәстүрлі түрде жыл сайын ұйымдастырылатындықтан барлық медициналық ұйымдарда дайындық ерте басталған. Айта кеткен жөн, осымен бірнеше жыл қатарынан тұмаға қарсы екпе алған облыстың бас дәрігері өзін жұқпалы аурудан қорғау үшін бұл шара маңызды екенін атап өтті.Батыс Қазақстан облысы санитарлық-эпидемиологиялық бақылау департаменті мамандары атап өткендей тұмауға қарсы вакцина сатып алуға бюджеттен 66,7 млн. теңге бөлініпті. Санитарлық дәрігерлер вакцинация медицина қызметкерлеріне, жиі ауыратын балалар мен арнайы әлеуметтік мекемелердің қамқоршыларына тегін берілетінін атап өтті. Облыста барлығы 68 мың доза «Гриппол ПЛЮС» вакцинасы бар. Қалалық емханаға тіркеуде тұрған азаматтарды өз учаскелік дәрігерлерінің тексеруінен өткен соң екпе алуға құқығы бар. Шара ерікті түрде ұйымдастырылып жатқанын естен шығармаған жөн. Бұл науқанда халықтың 10 пайызы мемлекет тарапынан бөлінген қаражатқа екпе алып, иммунитет қалыптастырады деп жоспарланып отыр. Орал қаласы бойынша 600-ден аса тұрғын тұмауға қарсы егіліп үлгерген.
Айнара ИСА
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу