Кіру23 Сәуір 2021 1750 0
ҚоғамҚОҒАМДЫҚ ЖАСТАР ТЕАТРЫ АЛҒАШҚЫ ҚОЙЫЛЫМЫН КӨРЕРМЕН НАЗАРЫНА ҰСЫНДЫ
Бүгін Оралда «Ғасыр жастары» қоғамдық жастар театрының ашылу салтанаты және жаңа театр сахналаған«Ғасырдан да ұзақ күн» романы желісіндегі спектаклінің премьерасы өтті. Бұл шараға Орал қаласының әкімі Абат Шыныбеков қатысты.
Қоғамдық театр ұсынған қойылым белгілі жазушы Шыңғыс Айтматовтың «Ғасырдан да ұзақ күн» шығармасының желісі бойынша дайындалған. Қойылымның қоюшы режиссеры – мемлекеттік «Дарын» Жастар сыйлығының иегері Жасқайрат Валиуллиев. Көркемдік жетекшісі және балетмейстері – Бұлбұл Сапарғалиева.
Өткен мен жаңа заманды ұштастырып, көрермен назарына ұсынған туынды көптің көңілінен шықты. Қойылым соңында қала әкімі актерлерге ризашылығын білдірді.
– Жаңа театрдың тұсаукесері дәл осындай шоқтығы биік тың туындымен ашылғанына қуаныштымын. Қазіргі қоғамның дертіне айналып бара жатқан мәңгүрттік тақырыбының трагедиялық спектаклде айтар ойы, тәлім-тәрбиелік мәні зор болды. Адамгершілік, ұлттық болмысты сақтап қалу, әдет-ғұрпымызды келешек ұрпаққа насихаттау сынды маңызды мәселелер қозғалған Шыңғыс Айтматовтың төл туындысының халыққа берері мол. Өскелең ұрпаққа осындай құндылықтарымызды ұғындыратын дүниелеріңіз көп болсын деп тілек білдіремін, – деді Абат Абайұлы.
zhaikuni.kz
Соңғы жаңалықтар
Қалалықтар қаперіне
Құқық бұзушылыққа жол бермейтін Telegram чат боты іске қосылды
11 Қазан 2024
3457 0
Пікір үстеу