КіруНаурыз – 2023🌱
Самиғолла ҚОЖАҚОВ, зейнеткер: – Жыл сайын немерелерімді ертіп, осы алаңға келіп, Наурыз мейрамын тамашалаймыз. Биылғы жылы көктем ерте шығып, ауа райы да тамылжып тұр. Малға да, адамға да жайлы деуге болады. Жиналған халықтың қарасы да көп. Барлығының жүздерінен қуаныш лебі байқалады. Әсіресе, ұлттық ойындар дәріптелуде. Атап айтсақ, ұмытыла бастаған асық ату ойыны кейінгі жастарға үлгі боларлық. Ләйім тек амандық болып, Наурыздан Наурызға аман жетейік!
Перизат АМАНГЕЛДИЕВА, қала тұрғыны: – Ұлттық мерекелердің ішіндегі осы мейрамды ерекше жақсы көремін. Өйткені бұл күні бір-бірімізбен қауышып, үлкендерден бата алып, мәре-сәре боламыз. Өзге ұлт өкілдері де шынайы құрметпен қарап, қастерлі мейрамның қадірін терең түсінгені қуантады. Тамаша күннің татулыққа бастайтын, бірлігімізді нығайтатын ғұрып екенін білдіреді. Тұңғыш Президент алаңында өткен шарадан алған әсерім көп. Әсіресе, көптеген қыз-келіншектер мен жігіттердің ұлттық киімдермен жүргені көңіліме қуаныш ұялатты.
Марат АЛҒАЛИЕВ, қала тұрғыны: – Бұл мейрамды Жайық жұртшылығы жақсы қарсалуда. Бір-бірімен төс қағыстырып, ақсақалдармен амандасып, игі тілектер айтып, үлкендерге ізет көрсетіп жатыр. Ызғарлы қыс кетіп, шұғылалы көктем келіп, жер аяғы кеңіп, салт-дәстүріміздің аясы кеңеюде. Әдет-ғұрып көріністері көрсетіліп, мәдени құндылықтарымыз жаңғыртылып, ұлт пен ұлыстың мәдениеті жақындасуда. Наурыз мейрамының ұлағаты қалыптасқан жақсы үрдіс жалғасын таба берсін.
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу