КіруМЕКТЕПТЕГІ ТАМАҚТАНУДЫ МЕМЛЕКЕТТІК САТЫП АЛУ ПРОЦЕСІ АВТОМАТТАНДЫРЫЛАДЫ
Бұл мәселе бүгін, 23 ақпанда «ANTIKOR ORTALYGY» сервистік орталығында облыс әкімінің орынбасары А.А.Алпысбаевтың қатысуымен БҚО Сыбайлас жемқорлыққа қарсы қызметтің басшылығы және мемлекеттік органдары өкілдерінің қатысуымен өткен жиында талқыланды.
Жиын барысында Нұр-Сұлтан қаласында жүзеге асырылып жатқан «Цифрлық Қазақстан» мемлекеттік бағдарламасы шеңберіндегі жобалар, соның ішінде мектептегі тамақтануды мемлекеттік сатып алудың автоматтандырылуы мәселесі талқыланды. Нақтырақ айтқанда, орта білім беру ұйымдарында білім алушыларды тамақтандыруды ұйымдастыру, сондай-ақ мектепке дейінгі ұйымдарда, жетім балалар мен ата-анасының қамқорлығынсыз қалған балаларға арналған білім беру ұйымдарында тәрбиеленетін және білім алатын балаларды тамақтандыруды қамтамасыз етумен байланысты тауарларды сатып алуды автоматтандыру қаралды.
БҚО облысының ақпараттандыру, мемлекеттік көрсетілетін қызметтер және архивтер басқармасы басшысы м.а. П.С.Лежников бұл мәселе бойынша зерделеу жүргізіп, ұсыныстар енгізетінін айтты.
БҚО білім басқармасы басшысының орынбасары А.Б.Жүнісова тамақтандыруды қамтамасыз етумен байланысты тауарларды сатып алуды автоматтандыру жұмыстар жүргізуге дайын екендіктерін жеткізді.
Жиын қорытындысы бойынша аталған тәжірибені өңірімізде жүзеге асыру мүмкіндігін қарастыру бойынша мемлекеттік органдарға ұсыныстар берілді.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу