КіруМагистратураға түсу үшін кешенді тестілеу басталды
Қазақстанда магистратураға түсу үшін кешенді тестілеу басталды. Берілген өтініштердің саны – 43 мыңға жуық.
Өтініштердің басым көпшілігі «Педагогикалық ғылымдар», «Инженерлік, өңдеу және құрылыс салалары» және «Бизнес, басқару және құқық» бағыттарына келіп түсті. «Бір жарым ай бойы магистратураға түсуге ниет білдіргендердің барлығы тіркелді. Тіркеу кезінде тестілеу өтетін орынды түсуші өз бетінше таңдайды. Емтихандар бүгін басталып, 10 тамызға дейін жалғасады», – деп түсіндірді Жоғары ғылым министрлігінің Ұлттық тестілеу орталығының директоры Руслан Ембаев.
Магистратураға түсу форматында өзгерістер жоқ. Талапкерлерге тестілеу нәтижелерімен келіспеген жағдайда онлайн-апелляция рәсімі қамтамасыз етіледі. Тестілеу аяқталғаннан кейін 30 минут ішінде түсуші бірден апелляцияға өтініш бере алады. Апелляция бес күн ішінде қаралады. Сертификат өтініш берушінің жеке кабинетінде қолжетімді болады. Өту балы өзгеріссіз қалды: ғылыми-педагогикалық бағытқа 75 балл, бейіндік бағытқа 50 балл.
Магистратурада оқу үшін 2023 жылы 13 мыңнан астам грант бөлінді.
Гранттар конкурсына құжаттарды қабылдау 11-14 тамыз аралығында өтеді, ал грант иегерлерінің тізімі 26 тамызға дейін жарияланады. Қабылдау 28 тамызға дейін аяқталады.
Дереккөз: stan.kz
Версия для печатиСоңғы жаңалықтар
Қазақ тілін және тарихын білмейтіндерге Қазақстан азаматтығы берілмейді
«Мерейлі отбасы-2024» ұлттық конкурсының қалалық кезеңі өтеді
Пікір үстеу