КіруМүмкіндігі шектеулі жандардың мәселесі қаралды
Бүгін, БҚО мәслихат аппаратында облыс әкімінің орынбасары Бақытжан Нарымбетовтің қатысуымен мүмкіндігі шектеулі адамдарды әлеуметтік қорғау бойынша жиын өтті.
Мамандардың айтуынша, облыста мүгедектігі бар адам саны – 24351. Мүмкіндігі шектеулі адамдарға арналған әлеуметтік қызмет порталының 2022 жылы 11280 адамға оңалту шараларын жасағаны баяндалды. Осы секілді өткен жыл бойынша түрлі статистикалық деректер көрсетіліп, мүмкіндігі шектеулі адамдарға кедергісіз қолжетімдікті қамтамасыз ету барысында бейімделген нысандар саны, бөлінген қаражаттың есебі берілді. 2023 жылы «Инватакси» қызметінің қала, аудандар бойынша берілетін транспорт саны, «Teń qoğam» әлеуметтік қолдау және «Салют Orto kz» протездік-ортопедиялық орталықтардың халық үшін маңызы баса айтылды.
Отырыста БҚО ерікті мүгедектер қоғамының төрағасы Жұмажан Қожжанов сөз алып, мүмкіндігі шектеулі жандардың қоғамға араласуы, теңдігі, қолжетімдігі деген үш мәселені ортаға салды. Мүмкіндігі шектеулілердің спорттық шараларға қатысуы бәсең екенін сөз етті. БҚО денсаулық сақтау басқармасының басшысы Арман Қалибеков баяндама жасап, жүкті әйелдердің, балалардың скринингтен өтуін жіті қадағалау керегін тілге тиек етті. Жиынды қортындылаған облыс әкімінің орынбасары Бақытжан Нарымбетов аталған мәселелер бойынша мүмкіндігі шектеулі адамдардың қоғамдық шараларға белсене араласуына БҚО-дағы барлық филиалдардың атсалысуын тапсырды.
Мүмкіндігі шектеулі жандар баяндамашыларға сұрақ қою арқылы көптеген мәселені алға тартып, көпшіліктің назарын аударып, ашық пікір алмасты.
Дәметкен САҒЫНБАЕВА,
«Жайық үні» газетінің тілшісі
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу