КіруМ.БЕРГЕН: «ЗАЧАГАНСК» АТАУЫН ӨЗГЕРТЕТІН УАҚЫТ ЖЕТТІ»
Орал қаласына қарасты Зачаган кентінің атауын өзгерту мәселесі көтерілуде. Жергілікті қоғамдастық кеңесінің төрағасы Камал Құбашевтың айтуынша, кейінгі жылдары тұрғындардан кенттің атауын өзгерту бойынша түскен ұсыныстарды негізге ала отырып, қалалық ономастикалық комиссияның жанынан құрылған жұмыс тобының отырысына Алаш, Жұбан, Бөкей хан атаулары жолданған. Осы орайда БҚО Ардагерлер кеңесінің төрағасы Мақсот Берген өз пікірін білдірді.
– «Зачаганск» атауын өзгертетін уақыт жетті. Бұл – Орал қаласының іргесіндегі «Зачаганск» кенті тұрғындарының көптен бергі арманы. Бұл мәселені жиі көтеріп жүрміз. Осы елдімекеннің тұрғыны ретінде Бөкей ханның есімі кент атауына лайық деп білемін. Оның қазақ елі үшін қалдырған ізі орасан. 1801 жылы Еділ мен Жайық ортасындағы жерді алуға рұқсат алған адам. Бұл үлкен тарихи оқиға. Бөкей ханның көрегендігі мен білімділігінің арқасында осы алып жерді иелендік. Осы сын сәтте елдігімізді көрсететін кез келді. Соңына елеулі із қалдырған тұлғаны елемесек, бұл – біздің қазақтығымызға сын, – дейді ардагер.
zhaikuni.kz
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу