КіруӘЛСІЗ МҰЗДАН САҚ БОЛЫҢЫЗ!
9 қарашада Қостанай қаласында жасанды су айдынындағы мұз бетінде жүрген үш бала мұз астына құлап кетті. Бұл балалар сол мезетте құтқарылғанымен, екеуі ауруханада қайтыс болған. Үшіншісі жан сақтау бөлімінде. Осы мәселені ескерткен батысқазақстандық төтенше жағдайлар департаментінің мамандары облыс тұрғындарын қыс мезгілінде су айдындарында сақ болуға шақырды.
Төтенше жағдайлар департаментінің дағдарыс орталығында өткен баспасөз мәслихатына БҚО ТЖД бастығының орынбасары, подполковник А.Ахметжановтың төрағалығымен, сондай-ақ Департаменттің бөлімшелері басшылығы қатысты.
Ақылбек Қосманұлының айтуынша, қыс мезгілінде су айдындарында қаза болғандар көбінесе, балықшылар, қараусыз қалған балалар, сондай-ақ құтқарушылар кеңестерін елемей қатпаған, боранды және берік емес мұзға шығатын адамдар болып табылады.
– Батыс Қазақстан облысы аумағында қараша айында ауа райы мұз қалыңдығының пайда болуына ықпал етпейді. Мұз аяз түскенге дейін қатаймайды. Кешкі немесе түнгі суықта шамалы қатайған мұз өте әлсіз келеді және ағып жатқан еріген сулардан тез қызып, азғантай жүкке де төтеп бере алмайды. Ұзақ аязға дейін су айдындары мұз жамылғысында болмайды, – деді А.Ахметжанов.
Батыс Қазақстан облысы Төтенше жағдайлар департаменті жұқа мұз үстіндегі қауіпсіздік ержелерін еске салады:
- Адам үшін қауіпсіз мұз тұщы суда 10 сантиметрден кем емес және тұзды суда 15 сантиметрден кем емес қалыңдық болып саналады.
- Өзен сағалары мен ағындарда мұздың беріктігі әлсіз.
- Мұз тез ағатын жерлерде, кілт пен су ағатын жерлерде, сондай-ақ су өсімдіктері өсетін аудандарда, ағаштарға, бұталарға және қамысқа жақын жерлерде берік емес.
- Егер ауа температурасы 0 градустан жоғары болса, мұздың беріктігі 25% төмендейді.
- Мұздың беріктігін көзбен анықтауға болады: мұз көк түсті-берік, ақ түсті-оның беріктігі 2 есе аз, сұр, күңгірт-ақ немесе сарғыш реңкті мұз сенімсіз.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу