КіруӘЛИЖАНҒА ЖАНКҮЙЕР БОЛАЙЫҚ
Оралдық дарынды өнерпаз Әлижан Тұрғали республикалық «Бала дауысы» байқауы байқауына қатысуда.
Тұрғали Алижан – 2011 жылы Батыс Қазақстан облысы Орал қаласында дүниеге келген. Алижан–білімге, ізденіске құмар, мінезі ашық, жан–жақты талантты, сегіз қырлы, бір сырлы өнерпаз бала. Алижан №21 жалпы орта мектебінің 4 сыныбында оқиды. Орал қаласының Мектептен тыс жұмыс орталығына 4 жасынан бастап, «Қылқалам» көркем еңбек студиясы, «Ақ берен» жас ақындар мектебі, «Гүлдер» вокал студиясында, Нарымбетова Райхан Каташевнаның жетекшілігімен өтетін қалалық мерекелік шараларға үнемі белсене қатысады.
Табиғат берген талантының арқасында домбыра құлағында ойнап, табиғи даусымен ән де шырқайды, өлең де жазады. Өлеңдер топтамасы республикалық жинаққа шығып, таралымы кең «Балдырған» журналына басылды. Кішкентай сері бағын сынап, вокалдық «Бала дауысы» ән байқауына қатысты. Байқау жетістігі Республикалық сайысқа ұласып, Алматы сахнасында өзі тұстас балалармен бақ сынасу дәрежесіне жетті.
Бұл сапары да оңды болып, республикалық «Бала дауысы» байқауының соңғы мәресіне жолдама алуына себепші болды.
Біз, жерлес жанкүйерлер, Әлижанның соңғы мәреден де өтіп, жеңіс туын желбіретуіне тілектеспіз! Дауыс беру notka.kz сайтында 15-17 қазан күндері өтеді. Өнерлі бала өрге жүзсін десеңіз, қолдау көрсетейік, жанкүйерлер! Сіздердің әрбір дауысыңыз өте маңызды!
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу