КіруЛИРИКАЛЫҚ ӘНДЕРДІҢ ШЕБЕРІ АҚ ЖАЙЫҚҚА КЕЛЕДІ
Қазақтың талантты, дарынды әншісі, даусы мен ән салу мәнері тым ерекше, жүрегі нәзік жан Индира Расылхан Жамбыл облысы Көлтоған ауылының тумасы. Жасынан өнерге құштар болған жанары қарақаттай қара қыз Қаратау қаласында білім алып, 1996 жылы Тараздағы музыкалық колледжді грантпен және Т.Жүргенов атындағы Қазақ ұлттық өнер академиясын «Музыкалық білім» мамандығы бойынша бітірген.
Индира алғашқы еңбек жолын Тараз қаласындағы музыкалық мектептен оқытушы болып бастады. 2015 жылдан бастап күні бүгінге дейін Астана қаласындағы Қазақ ұлттық өнер университетінде ұстаздық қызмет атқарып, шәкірттеріне музыкалық дәріс (вокал) беріп келеді.
2016 жылы «Индира Расылхан» жеке өнер мектебін ашып, мәдениет пен өнерді дамытуда бірнеше бағытта жұмыс жасап, талантты шәкірттерді өнерге баулуда. Республикалық конкурстардың жеңімпазы, Ш.Қалдаяқов атындағы Халықаралық «Менің Қазақстаным» ән фестивалінің Бас жүлдегері (1997). Алматы қаласында «Томирис» ансамблінің солисі болып жұмысқа шақырылып бірнеше жылдар қызмет атқарды.
2004 жылы алғашқы клипті «Сезім сыры» әніне түсіріп, 2005 жылы «Қимаймын» ән альбомы жарық көрді. Кейін «Сағыныш», «Ғажайып түс», «Жас қайың» және тағыда басқа әндеріне клиптер түсірілді. Ақиық ақын Мұқағали Мақатаевтың «Ақ қайың» өлеңіне жазылған ән арқылы Индираның ешкімге ұқсамайтын вокальдық шеберлігі мен ерекше даусын көрермендер тіптен мойындады.
Өзінің табиғи талантымен 2008 жылы Алматы қаласында алғашқы жеке концертін өткізді. 2009 жылдан бастап күні бүгінге дейін еліміздің барлық өңірлерінде гастрольдік сапарларда болып, жеке концерттік бағдарламасын ұсынып, қазақы әндерді насихаттап жүр.
Индира Расылхан туған жер туралы және сырлы сезімге толы лирикалық әндердің шебер орындаушысы. Әрқашан үлкен ізденісте жүріп, жаңа шығармалармен репертуарын толықтырып отырады.
Республикалық деңгейдегі «Жұлдызды дода», «Жұлдызды айтыс», «Маған арман», «Бенефис шоу», «Таңшолпан», «Жұлдызды шаңырақта», «Қызық times» т.б. бағдарламаларға түскен.
– Орал қаласына гастрөлдік сапармен келген сайын студент жастармен кездесіп, шеберлік сыныбын өткіземін. «Бұлақ көрсең, көзін аш» дегендей, жас әншісі Аяна Қажымованың концертіне әнші–ұстаз ретінде арнайы шақыртумен қатысып, батамды бердім. ҚР Тәуелсіздігінің 25 жылдығында Жаңақала, Бөкейорда, Казталов аудандарын аралап, ел-жұртқа лекция-концертімді ұсындым. Жасөспірімдердің жазғы демалысында шеберлік сыныбынан дәріс беремін. Алдымды көрген әр өңірдегі шәкірттерім байқауларға қатысарда менімен хабарласып, ақыл-кеңесіме жүгінеді. Ақ Жайық өңірі – киелі мекен. Өткен жылдары ұлым Асыланды да Оралға арнайы алып келіп таныстырдым. Осы Жайықтағы зиялы қауыммен, әріптестеріммен жақсы сыйласамын. 2018 жылы республикалық «Сағындырған әндер-ай» бағдарламасында жерлестеріңіз Еркін Өтегеновпен бірге ән орындадым. Бұйырса, ертең сәуірде болатын концертімде Еркін ініммен және Жаңылсын сіңіліммен, шәкіртім Аянамен дуэт орындаймын. Сәтін салса, сәуірдің алғашқы жұлдызында Ақжайық ауданында, үші күні Орал шаһарында, төртінде Ақсай қаласында жеке шығармашылық концертімді беремін. Бұл жолғы репертуарымда Ж.Кеңесовтің, Ә.Бейсеуовтың, Н.Әлімжанның, Б.Қасымовтың, М.Ынтықбаевтың әндерін көрерменге тарту етемін, – дейді Индира әнші.
Отбасында керемет ұл-қыздарының анасы, отағасының асыл жары, халықтың сүйікті әншісі Индира Расылханның таяуда Ақ Жайықта өтетін жеке концертіне асығыңыз, ағайын!
Нұрай ҚАЙЫРОВА
Версия для печатиСоңғы жаңалықтар
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді
Президент Республики Казахстан Касым-Жомарт Токаев на днях дал эксклюзивное письменное интервью агентству Синьхуа
Теміржол саласында сыбайлас жемқорлықтың алдын алу мәселелері талқыланды
Пікір үстеу