КіруӘЛЕМДІК БЕСТСЕЛЛЕР – ҚАЗАҚ ТІЛІНДЕ
Елбасымыздың «Болашаққа бағдар: Рухани жаңғыру» бағдарламалық мақаласы барлық қазақстандық қоғамды рухани жаңғыру жолында біріктіретін стратегиялық бағдарға айналды. Осы мақалада қойылған негізгі міндеттердің бірі – «Жаңа гуманитарлық білім. Қазақ тіліндегі 100 жаңа оқулық» жобасының жүзеге асырылуы болып табылады.
М.Өтемісов атындағы БҚМУ жанынан құрылған «Рухани жаңғыру» институты мен ғылыми кітапхананың ұйымдастыруымен кітапхана қорына жаңадан қосылған 2 кітаптың таныстыру конференциясы өтті. Бұлар – Стивен Р.Ковидің «Жасампаз жандардың 7 дағдысы» кітабы мен Ювал Ноаһ Хараридің «Sapiens: Адамзаттың қысқаша тарихы» кітаптары.
Конференцияны «Рухани жаңғыру» институтының директоры Тұрар Шайхиев бастап, оқытушылар мен студенттердің кітаптар туралы баяндамаларымен, студенттердің пікірлерімен жалғасты.
– Жоба аясында ғылыми кітапханаға жарық көрген 18 оқулықтың 17-сі бірнеше данадан келді. Барлығы 1504 кітап жеткізілді. Желтоқсан айында тағы 2 оқулықтың 60 данасы түсті, – дейді ғылыми кітапхана директоры Тоты Әлімбекерова.
«Жасампаз жандардың 7 дағдысы» кітабы 13 мәрте жаңартылып 40 тілге аударылған. 70-тен аса елде 30 миллион данамен таралған кітап №1 әлемдік бестселлер мәртебесін иеленген. Осындай туындылардың біздің төл тілімізде қолға тиуінің өзі бақыт.
Назерке ҚАЛЕНОВА
Версия для печатиСоңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу