Кіру«КВАНТ» ЕКІНШІ ФАБРИКА САЛУДЫ БАСТАДЫ
Биылғы жылдың мамыр айында Елбасы Нұрсұлтан Әбішұлы Назарбаевтың Батыс Қазақстан облысына жасаған жұмыс сапары өңірдің дамуына тың серпін берді. Бүгін облыс әкімі Алтай Көлгінов облыстық мәслихат депутаттары алдында ағымдағы жылдың тоғыз айы бойынша облыстың әлеуметтік-экономикалық дамуы жөнінде есеп беріп, Мемлекет басшысы тапсырмаларының орындалуы туралы баяндады.
Президентіміз облыстың әлеуметтік-экономикалық даму бойынша нақты тапсырмалар жүктеген еді. Атап айтқанда, күн тәртібінен түспеген жол мәселесі, өңір экономикасында орны бар өндіріс ошақтарының проблемалары талқыланды.
– Президент тапсырмасы бойынша «Зенит» және «Гидроприбор» зауыттары бойынша 3 жылға тапсырыстармен жүктемелеу жөніндегі келісімге қол жеткізілді. Энергетика министрлігі «Конденсат» акционерлік қоғамымен мұнайды тасымалдау кестесін бекітті. «ЗКМК» Акционерлік Қоғамы қазақстандық арнайы өнімдердің жаңа өндірістерін игеру бойынша еуропалық компаниялармен озық технологияларды өңірімізде іске асыру қарастырылды.«Омега» өндіріс ошағының аумағында «Орал трансформатор зауыты» екінші зауыт салуды жоспарлауда, – деді Алтай Сейдірұлы.
Сондай-ақ «Квант» компаниясының өнім түрлерін ұлғайтуды және өндірісті кеңейтуді қаржыландыру бойынша Даму банкісімен несие бөлу жөнінде келісімге қол жеткізген. Қазір компания екінші фабриканы салуды бастады.
Республикалық маңызға ие Орынборға дейінгі 144 шақырым жолын қайта жаңғырту бойынша «Қазавтожолдың» қатысуымен жобалық-сметалық құжаттама әзірлеуге конкурс жарияланды. Жол құрылысын 2019 жылы бастау жоспарлануда.
Казталов, Жәнібек және Бөкей ордасы аудандарына апаратын 275 шақырым – республикалық маңызды автожол құрылысына, «Қазавтожол» күрделі жөндеу жұмыстары бойынша жобалық-сметалық құжаттама әзірлеуде. Жол құрылысы келесі жылдан басталады. Сонымен қатар, Сайхыннан Хан ордасы елдімекеніне дейінгі жол салынатын болады. Президенттің тапсырмасына сәйкес алдағы 3 жылдың ішінде жол салынады.
М.Хамзақызы, «Жайық үні»
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу