КіруКРУГЛООЗЕРНЫЙ АРНАУЛЫ ҚЫЗМЕТ КӨРСЕТУ ОРТАЛЫҒЫНДА «ҮМІТ» БӨЛМЕСІ ЖҰМЫС ЖАСАУДА
Круглоозерный арнаулы қызмет көрсету орталығында бөгде адамның күтіміне және әлеуметтік қызмет көрсетуге мұқтаж бірінші, екінші топтағы мүгедектер тұрады. Биыл мекеме мамандарының кабинеттері үлкен әрі жарық орынға көшіріліп, қызмет алушылардың тұратын ғимараттары күрделі жөңдеуден өтті.
Орталықта қызмет алушыларға барлық жағдай жасалған. Клуб, кітапхана, спорт залдарын әрбір қызмет алушы пайдаланады. 2010 жылдан бастап орталықта сегіз бағытта қызмет алушыларды әлеуметтік оңалтумен айналысуға штаттар – әлеуметтік мамандар, психологтар, дене тәрбиесінің маманы, дефектолог, ән мұғалімдері, кітапханашы, еңбек нұсқаушылары жұмыс жасауда. Қуантарлық жағдай, биыл орталық басшысы Мұрат Болатұлының бастамасымен «Цифрлық ақпарат» және «Үміт» бөлмелері ашылды. Бұл орталық үшін өте маңызды.
Цифрлық ақпарат бөлмесі – орталықта көрсетіліп жатқан сегіз бағыттағы әлеуметтік қызмет түрлерін қабырғада слайд арқылы көрсетіп, қызмет алушылардың туыстарына олардың жағдайларының жақсарғандықтарын көрсету, жағымсыз ойлардан арылту мақсатында ашылды.
«Үміт» бөлмесін ашудағы мақсатымыз – әр қызмет алушының бойындағы үміт отын өшірмей, алға ұмтылуына жағдай жасау. Мұнда қызмет алушылардың бос уақыттарын тиімді өткізуі, әр маманмен жеке және топтық қарым-қатынас жасауы үшін толық мүмкіндіктер жасалды.
Қызмет алушыларды еңбекке баулу, әлеуметтік іс-шараларға араластыру, тоқыма ісін үйретіп, кітапханаға апару қызметтері ұйымдастырылып келеді. Мәдени шараларға шамасы жететіндердің бәрі бірдей атсалысады. Әлеуметтік емдеу-сауықтыру қызмет алушылардың соматикалық жай-күйіне, жеке қажеттіліктеріне қарай жүргізіледі. Осы мақсатта орталықтағы қызмет алушыларға салауатты өмір салтын сақтап, спортпен шұғылдануға барлық қолайлы жағдайлар жасалған. Яғни шахмат, дойбы, әр түрлі ойындар ойнауға доптар, теннис ойнау үшін қажетті құралдар, велотренажер, жүгіру жолағы, спорттық киімдер алынды. Спортпен айналысуларына дене шынықтыру мұғалімі жәрдемдеседі. Мүгедектер арасында түрлі жарыстар ұйымдастыру дәстүрге айналды.
Психолог мамандары қызмет алушыларға психологиялық әңгімелер жүргізіп, олардың мәселелерін талқылайды, қолдау көрсетіп, белсенділікке ынталандырады. Топтық тренингтер өткізеді. Сенсорлық бөлмеде әуен терапиясы әдісімен босаңсыту демалысы, медитация және релаксациялық жаттығулар жүргізеді.
Еңбек дағдыларын, білім мен шеберлікті қалыптастыру мақсатында орталықтағы қызмет алушыларға олардың жеке қажеттіліктеріне қарай жеке және әлеуметтік мәртебесін қалпына келтіруге жәрдемдесетін қолжетімді кәсіптік дағдыларға үйрету жөніндегі іс-шараларға белсенді қатысуын қамтамасыз ететін еңбек қызметінің түрлері тағайындалды.
Орталықта әр қызмет алушы сүйікті ісімен айналысады. Олардың демалуларына толық мүмкіндік жасалған.
Ш.Карағойшиева, арнайы әлеуметтік жұмыс жөніндегі маман
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу