КіруКОРОНАВИРУСҚА ҚАРСЫ ЕКПЕ ҚАБЫЛДАҒАНДАР ҰТЫС ОЙЫНЫНА ҚАТЫСА АЛАДЫ
БҚО-да коронавирусқа қарсы екпе қабылдағандар арасында енді ұтыс ойындары ұйымдастырылады. Тамыз айының соңында вакцина алғандар арасында жеңіл автокөлік пен ай сайын ұялы телефондар ұтысқа тігіледі деп жоспарланып отыр. Бұл туралы кеше, 29 маусым күні өткен коронавирусқа қарсы жеделштаб отырысында айтылды.
Облыстық денсаулық сақтау басқармасы басшысының м.а Арман Қалибековтың мәліметінше, өңірде күніне көп дегенде екі мыңға жуық адам ғана вакцина қабылдайды. Халықтың 60 пайызы ауруға қарсы препаратты алғанда ғана жалпыхалықтық иммундық жүйе қалыптасады. Қазір облыстағы барлық екпе кабинеттері толықтай препаратпен қамтамасыз етілген. Ерік өзіңізде, бұған дейін айтылғандай, вакцинаның үш түрі бар. Қажет жағдайда емхана қызметкерлері мекемелерге барып вакцина салады. Ол үшін барлық жағдай жасалғанын атап өтті облыстың бас дәрігері.
– Аурудан айығудың тиімді тәсілі тек жаппай вакцинациялау. Сол себепті ұтыс ойындарын жариялап отырмыз. Яғни, вакцина алған тұлғалар Stopcovid.kz сайтына тіркеліп, жеңімпаз атануға мүмкіндігі бар. Сонымен қатар бірнеше ұялы телефон да ұтысқа тігіліп отыр. Тамыз айының соңында жергілікті телеарнада тікелей эфирде жеңімпаздар анықталады, – деді Арман Талғатұлы.
Аймақ өткен аптадан, ал еліміз дүйсенбіден бері ауру таралу көрсеткіші бойынша «қызыл» аймақтар тізімінде. Соңғы мәліметтерге сүйенер болсақ, вирустың үнді штамы елімізде тіркелді. Аурудың бұл түрі шетелден келген азаматтар арқылы келді деген болжам бар. Өңірдегі ауруханалар толымдылығы 80 пайызды құраса, өлім жағдайы да аз емес.
Айнара ИСА
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу