КіруКонтрабандалық тауарлардың жолын кесті
БҚО Полиция департаменті Ұйымдасқан қылмысқа қарсы күрес басқармасының қызметкерлері патрульдік полиция батальонымен бірлесіп «Орал-Бузулук» автожолында «Volvo» маркалы екі ауыр жүк көлігін тоқтатады.
Олардың бірінде 1348 қорапта ірімшік өнімі табылды, оны жалған құжаттар арқылы (жүкқұжаттар) “тұз” ретінде тасымалдаған. Ірімшіктің құны шамамен 320 миллион теңгені құрайды.
Екінші автокөлікте 1.755 қорап, (87.755 блок) немесе (877.500 пакет) акциздік маркалары жоқ «MILANO» маркалы темекі салынған қораптар табылып, тәркіленді, жалған құжаттар бойынша “құбырлар” ретінде тасымалданған. Тәркіленген темекінің шамамен құны 350 миллион теңгеден асады. Күдіктілер контрабандалық тауарлармен мемлекеттік шекарадан өтпекші болған.
Тәркіленген тауардың болжамды жалпы сомасы 670 миллион теңгені құрады.
Айналымнан алып қойылған заттардың немесе айналымы шектелген заттардың контрабандасы фактісі бойынша қылмыстық іс қозғалды. Тергеу амалдары жүргізілуде.
БҚО ПД баспасөз қызметі
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
