КіруӘКІМШІЛІК ХАТТАМАЛАР ЭЛЕКТРОНДЫ ТҮРДЕ ТОЛТЫРЫЛУДА
Орал қалалық полиция басқармасының ЖПҚ аға инспекторы Динара Әбдухалықованың айтуынша, 1 қаңтардан бастап жол-көлік полициясы қызметкерлері әкімшілік құқықбұзушылық туралы хаттамаларды планшетпен электронды түрде толтыруда. Жол қозғалысын қадағалау кезінде инспектор тек тәртіп бұзушының жеке сәйкестендіру номерін ғана терсе жеткілікті. Планшетте оған қатысты барлық ақпараттар, соның ішінде айыппұлдар, соттылығының болу-болмауы туралы дерек, оның бұған дейін жасаған қылмыстары, нақты тұрғылықты жері және тіркелген мекенжайы туралы толық ақпарат шығады.
– Айыппұлдарды қағазсыз, электронды түрде рәсімдеу хаттаманы толтыру уақытын және азаматтардың уақытын үнемдеуге мүмкіндік береді, – дейді Динара Әбдіхалықова.
Электронды түрде толтырылған хаттама автоматты түрде орталық бірыңғай базаға жіберіледі. Ал жол қозғалысы ережесін бұзған жүргізушілер сол жерде айыппұлдарын төлеулеріне болады.
Бұл тың жүйе «Әкімшілік құқық бұзушылықтардың бірыңғай тізілімі» пилоттық жобасы аясында енгізілуде.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу