КіруКӘСІПКЕРЛЕРГЕ АЙЫППҰЛ САЛЫНДЫ
10 қаңтар күні Орал қалалық әкімдігі кәсіпкерлік бөлімі мен полиция қызметкерлері Қазақстан Республикасы әкімшілік құқық бұзушылық туралы кодекстің 505-бабын аяққа таптап, абаттандыру ісінде салғырттық танытып жүрген кәсіпкерлердің жолын кесу үшін арнайы рейдке шықты. Шараның мақсаты – өзіне тиесілі аумақта қар жинамаған кәсіпкерлермен күресу, ескерту жасау, ескертуден қорытынды шығармаса әкімшілік хаттама толтырып айыппұл салу.
Облыс орталығында кәсібін дөңгелетіп бірнеше адамға жұмыс орынын ұсынып отырған кәсіпкерлердің саны жыл санап артып келеді. Олардың жұмыс жасауына мемлекет мүмкіндік жасағанымен кәсіпкерлердің де жауапкершілігі мол. Бірінші кезекте, бизнес субьектілері қаланың абаттандырылуына үлес қосып, өз аумақтарын қардан тазалауға міндетті. Қарды арнайы полигонға жеткізуі тиіс. Сала мамандары бұған дейін ақ ұлпаны жинамаған бизнес субектілеріне ескерту берілгендігін айтып отыр. Осы күнгі рейд барысында тәуліктің алғашқы жартысында Шолохов көшесі бойындағы 5 ірі нысан иесіне ескерту жасалып, кешке қарай ескертуден қорытынды шығармаған 2 кәсіпкерлік иесіне айыппұл салынды.
Қарды тазаламаған кәсіпкерлермен күрес алдағы уақытта да өз жалғасын таппақ.
Гүламан ИСМАҒҰЛОВА, Орал қ.ПБ баспасөз қызметкері
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу