КіруКөлік ұрлаған жүргізуші ұсталды
Батыс Қазақстан облысында полиция қызметкерлері көлік ұрлаған адамды бейнебақылау камерасы арқылы ұстады.
Мамыр айының 10-ы күні сағат 15:54 кезінде «102» операторына белгісіз біреу авотұрақтан қоңыр түсті «Калина» маркалы автокөлігін айдап кеткені туралы хабарлама түсіреді. Аталған факті бойынша барлық жеке құрамға бағыт-бағдар беріледі.
Белгілі болғандай, күдікті алысқа кетіп үлгермеген, ол бейнебақылау камерасына түсіп қалған, соның арқасында Орал қ. ПБ патрульдік полиция батальонының взвод командирі полиция аға лейтенанты Кажгалиев Руслан ақпарат бойынша көлік ұрлаушының ізіне түседі.
Кейін бір сағат ішінде көлікті айдап әкетуші 42 жастағы қала тұрғыны ұсталды және ол мас күйде болған.
Автокөлікті ұрлау фактісі бойынша ҚР ҚК-нің 200-бабы 1-бөлігімен сотқа дейінгі тергеу басталды, ал жүргізушіге қатысты көлік құралын масаң күйде басқарғаны үшін ҚР ӘҚБтК-нің 608-бабы бойынша әкімшілік хаттама толтырылды.
Бейнебақылау камералары қылмыстарды “ізін суытпай” ашуда және құқық бұзушылықтардың алдын алуда үлкен көмек көрсететінін айта кеткен жөн. 2024 жылы бейнебақылау арқылы 32 қылмыс, оның ішінде 4 тонау, 4 бұзақылық, 2 ұрлық және 4 айдап әкету қылмысы және басқа да қылмыстар бойынша 18 қылмыс ашылды.
БҚО ПД баспасөз қызметі
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
