КіруЭкологиялық акциялар өтті
23 наурыз –Тазару күні. Бұл күні Батыс Қазақстан облысында сенбіліктер өтті.
Орал қаласында өткен сенбілікке қала тұрғындары, қоғамдық бірлестіктер, студенттер, жастар және экология белсенділері қатысты. Жиналғандардың жалпы саны 350-ден асты. Олар Шаған өзенінің жанын қураған ағаштардан тазартып, жол жиегіндегі қоқыстарды, ағаш сынықтарын жинады.
Экологиялық шараға Батыс Қазақстан облысының Нариман Төреғалиев қатысты. Өңір басшысы сенбілікке қатысушыларға алғысын білдіріп, қала әкімдігімен жауапты мекемелерге қаланы тазарту жұмыстарын күшейтуді тапсырды.
«Мемлекет басшысының тапсырмасына сәйкес Наурызнама онкүндігіне орай өңірімізде көптеген іс-шара өтті. Бүгін – Тазару күні. Соған байланысты сенбілікке шыққан жандарға алғысым шексіз. Шаған өзенінің екі жағында қураған, құлаған ағаштар көп. Тазарту жұмыстары ақпан айында басталып, құлауға жақын тұрған ағаштар кесілді. Қураған ағаштардан біз уақытылы құтылуымыз керек. Жалпы алғанда тиісті мекемелер шаһарымызды тазарту жұмыстарын күшейту қажет» – деді Нариман Төреғалиев.
Өз кезегінде сенбілік қатысушылары осындай шаралар жиі ұйымдастырылса, шаһардың жайнай түсетінін айтуда.
«Облысымызда Наурызнама жоғары деңгейде аталып өтті. Ұлттық құндылықтарды дәріптеп, өскелең ұрпаққа дұрыс тәлім-тәрбие беруіміз қажет. Оларды тазалыққа үйрету керек. Сол бағытта ұйымдастырылған осы сенбіліктің пайдасы көп», – деді Орал қаласының тұрғыны Айгүл Мұратбекова.
Сондай-ақ, Тазару күні БҚО-ның барлық аудандары сенбілікке шығып, көшелерді қоқыстан тазарту жұмыстарына белсенді қатысты.
БҚО әкімдігінің баспасөз қызметі
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
