КіруХамза кітапханасы алпыс бестің биігінде!
Батыс Қазақстан өңірінің рухани-мәдени өмірінде өзіндік орны бар Хамза Есенжанов атындағы облыстық балалар және жасөспірімдер кітапханасының құрылғанына биыл 65 жыл толып отыр.
Осыған орай, бүгін, 9 маусым күні «Уақыт белесіндегі кітапхана: даму үрдісі мен болашағы» атты халықаралық мерейтойлық конференция БҚО Ғ.Құрманғалиев атындағы академиялық филармонияның «Атамекен» өнер ордасында кең көлемде аталып, Ақ Жайық өңірінің руханият пен кітапқа деген құрметін танытты.
Қазақ әдебиетінің көрнекті өкілі, сөз зергері, жерлес жазушы Хамза Есенжановтың есімі берілген кітапхана жылдар бойы қаламгердің шығармашылық мұрасын насихаттап, жас ұрпаққа өнегелі өмір жолын таныту бағытында жүйелі жұмыстар жүргізіп келеді. Бүгінде кітапхана өңірдің рухани орталығына айналып, оқырман мәдениетін қалыптастыруға елеулі үлес қосуда.
Халықаралық конференцияға Ресей Федерациясының Самара қаласынан және еліміздің Алматы, Шымкент, Қостанай, Атырау қалалары мен өзге де өңірлерінен келген сала мамандары, ғалымдар, жоғары оқу орындарының оқытушылары, қаламгерлер, кәсіпкерлер, магистранттар, студенттер және кітапхана қызметкерлері қатысты.
Шара барысында кітапхананың қалыптасу және даму тарихына арналған «Тәжірибе: дәуірлер тоғысында» атты жинақтың тұсаукесері өтті. Басылымда кітапхананың алпыс бес жылдық шежіресі, түрлі кезеңдердегі жетістіктері мен кәсіби тәжірибесі кеңінен қамтылған.
Конференция аясында кітапхана мерейтойына орай бірқатар белгілі тұлғалардың бейнеқұттықтаулары ұсынылды. Олардың қатарында филология ғылымдарының кандидаты, жазушы Хамза Есенжановтың келіні Дина Әнесқызы Есенжан, танымал жазушы Нұрдәулет Ақыш, Қазақстан Республикасының Ұлттық академиялық кітапханасының директоры Күміс Қарсақбайқызы Сейітова және басқа да зиялы қауым өкілдері бар.
Жиын барысында қазіргі кітапханалардың қоғамдағы орны, цифрлық дәуірдегі даму бағыттары, кітап оқу мәдениетін арттыру мәселелері мен саланың болашағы кеңінен талқыланды. Қатысушылар тәжірибе алмасып, кітапхана ісін жетілдіруге қатысты өз ұсыныстарын ортаға салды.
Батыс Қазақстан облысының мәдениет, тілдерді дамыту және архив ісі басқармасы басшысының орынбасары Тілек Александрұлы кітапхана ұжымын мерейтоймен құттықтап, игі тілегін жеткізді. Салтанатты жиында сала ардагерлері мен кітапхана қызметкерлеріне құрмет көрсетіліп, бірқатар маман БҚО әкімі Нариман Төреғалиевтің «Алғыс хатына», сол секілді кәсіподақ пен мәдениет ұжымының марапатына ие болды.
Алпыс бес жылдық тарихы бар кітапхана бүгін де өз ісіне адал қызмет етіп, жас ұрпақтың білім мен руханиятқа деген қызығушылығын арттыру жолында нәтижелі еңбек етуде. Мерейтойлық жиын кітапхана ісінің өткеніне тағзым жасап қана қоймай, оның болашақ даму бағыттарын айқындаған маңызды басқосуға айналды. Түсауа шараға келген қонақтар Хамза атамыздың кітапханасын аралап, талантты шәкірттердің өнерін тамашалады. Тағы да үлкен жиын өтіп, бірнеше аудандық кітапханалар арнайы марапатқа ие болды.
Х.Есенжанов атындағы кітапхананың 65 жылдығына арналған шара туралы толықтай мақаланы «Жайық үнінің» келесі санынан оқи аласыздар.
Нұрай Қайырова,
суретке түсірген Мәди Салықов
Соңғы жаңалықтар
Тарихи оқиға – Маңғыстаудың киелі орындары ЮНЕСКО-ның бүкіләлемдік мұралар тізіміне ресми түрде енгізілді
Киберспорттың әлемдік жұлдыздары «Болашақ ойындары 2026» турниріне қатысу үшін Астанаға келуде
Сақ болыңыз: сайлау қарсаңындағы анонимді сауалнамалар – әлеуметтанулық зерттеу емес, ықпал ету құралы
Жаңақала ауданында ардагерлер мен жастар арасында сыбайлас жемқорлыққа қарсы пікірталас өтті
Жаңақала ауданында мемлекеттік қызметшілердің басқарушылық дағдыларын дамытуға бағытталған іс-шара өтті
Ақжайық ауданында жастар арасында адалдық пен жауапкершілік құндылықтары талқыланды
Ақжайық ауданында мемлекеттік қызметшілер арасында «Не? Қайда? Қашан?» зияткерлік ойыны өтті
Казахстан развивает ядерные технологии не только в энергетике, но и в медицине, промышленности, экологии и науке
«Донат» үшін ойдан құрастырылған оқиға бас бостандығынан айыру жазасымен аяқталды
Ақша табу үшін Threads желісінде әскердегі зорлық-зомбылық туралы жалған ақпарат таратқан 23 жастағы астаналық сотталды
Құрылтай сайлауы өткен соң, 145 депутат заң шығарушы органға 5 жылға жайғасады
Қазақстандағы конституциялық реформа және мемлекеттік қызметтің жаңа мәдениеті
Казталов ауданында «Мені өзгерткен бір кітап» байқауының жеңімпаздары марапатталды
