КіруОРАЛДА «АШЫҚ ӘКІМДІК» ӨТТІ
Бүгін Орал қаласындағы жұмыспен қамту орталығында «Ашық әкімдік» шарасы өтті. Қоғамдық қабылдауда облыс және қала басшылары мен орынбасарлары көпбалалы аналардың, аз қамтылған, көмекке мұқтаж отбасылардың өтініштерін тыңдап, әрқайсысына тиісті жауап пен кеңес берді.
Тұрғындар арасындағы туындаған көкейкесті мәселелердің шешімін жедел әрі тиімді жолмен шешу, мемлекеттік органдардың ашықтығы мен транспаренттілігін қамтамасыз етуді көздеген шараға келушілердің дені әйел-аналар. Қазір көпбалалы аналарды жәрдемақы мөлшерін арттыру, тұрғын үй мен тұрмыс жағдайын жақсарту, еңбекпен қамту, балаларды балабақшаға орналастыру және басқа да мәселелер алаңдатып отыр. Бұл мәселеге жауапты сала мамандары аналарға тиесілі жәрдемақы мен атаулы арнайы көмек мөлшерін анықтап, атқарылатын әлеуметтік шараларды кеңінен түсіндірді. Ал баспана мәселесі бойынша нақты кеңестер берілді.
Мәселен, «Ашық әкімдікке» келген қала тұрғыны Гүлсім Аққалиева үш баланың анасы. Жолдасы базарда жүк тиеуші, өзі «Арба» қоғамдық бірлестігінде кіші қызметкер болып еңбек етеді. Балаларының үлкені 7-сыныпта оқыса, кішісі небары 7 айлық. Жолдасы екеуінің айлық табысы 87 мыңды құрайды, бұған баласы жасқа толғанша берілетін 18 900 теңге жәрдемақыны қосқанда жаңа нұсқадағы атаулы әлеуметтік көмек алатындардың санатына енбей тұр. – Бір бөлмелі жатақханада бес жан тұрамыз. Айына 25 мың теңгені пәтерақысына төлеймін, – деген ол әр балаға тиесілі 21 мың теңгеден үмітті. Ал жеті баланың анасы Толқын Төлегенова көпбалалы болғанымен, балаларына тиесілі жәрдемақыны ала алмай жүр екен.
– 2018 жылдан бері тиесілі жәрдемақыны ала алмай жүрмін. Өйткені, құжаттарым жарамсыз. Жолдасым жоқ. Үлкенім Ақтөбе қаласында медициналық университетте оқиды. Кенжем бір жаста. Жағдайым өте қиын. Үйім ескі. Қабырғалары сөгіліп тұр, – деген Күміс алқалы ана бүгін мәселесінің оң шешілеріне сенімді. Бұл күні тұрғындар әлеуметтік мәселелерден өзге қаланы абаттандыру, күре жол, бизнес бастау секілді түйткілді мәселелерді жергілікті атқарушы органдарға тікелей жеткізіп, жауаптарын алып жатты.
Кәусар БАЙҒАЛИЕВА
Версия для печатиСоңғы жаңалықтар
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді
Президент Республики Казахстан Касым-Жомарт Токаев на днях дал эксклюзивное письменное интервью агентству Синьхуа
Теміржол саласында сыбайлас жемқорлықтың алдын алу мәселелері талқыланды
Пікір үстеу