КіруЕЛ НЫШАНДАРЫНА ҚҰРМЕТ ҚАНДАЙ ДЕҢГЕЙДЕ?
4 маусым – Қазақстан Республикасының мемлекеттік рәміздері күні
Мемлекеттік рәміздер – еліміздің дербестігі мен тәуелсіздігін күллі әлемге жария етуші, әрі мемлекетіміздің өткені, бүгінгі мен болашағы арасындағы сабақтастықтың жарқын бейнесі, сонымен қатар халқымыздың рухын, ұлттық салт-санасын, қаһармандығы мен даналығын, болашаққа үмітін, арман-тілегін жеткізетін ерекше құнды белгілер. Яғни, қазіргі таңда ұлттар мен ұлттық мемлекеттердің нағыз өзекті мәселелері экономика, саясат, қорғаныс саласымен емес, керісінше, ұлттың басты құндылығы болып табылатын ұлттық рәміздермен тығыз байланысты.
Барлық алдыңғы қатарлы ұлттар өздерінің шынайы болмысын білдіретін және ұлтты өрге сүйрейтін әр түрлі рәміздік элементтерді иеленетіні тарихтан белгілі. Бұл рәміздер ұлттардың сан түрлі қырларын, ерекшеліктері мен артықшылықтарын, егемендігі мен бейбітшілігін көрсетеді және өзін-өзі құрметтеу мен мақтаныш сезімін орнықтыра түседі, сондай-ақ, әлеуметтік және экономикалық институттардың қызметіне, саясатқа, ұлттық қорғанысқа көпшіліктің атсалысуы үшін этикалық негіздерді қалыптастырады.
Қазақстан Республикасы Үкіметінің 2020 жылғы 27 қарашадағы №801 қаулысына сәйкес, «Қазақстан Республикасының Мемлекеттік Туын, Мемлекеттік Елтаңбасын және олардың бейнелерін, сондай-ақ Қазақстан Республикасы Мемлекеттік Гимнінің мәтінін пайдалану (орнату, орналастыру) қағидаларын бекіту туралы» Қазақстан Республикасы Үкіметінің 2007 жылғы 2 қазандағы №873 қаулысына өзгерістер енгізілді. Осыған орай жеке және заңды тұлғалар патриоттық сезімін, қазақстандық бірегейлікті білдіру, елдің және оның азаматтарының жетістіктерін қолдау мақсатында ғимараттарда (тұрғын үйлерде және тұрғын емес үй-жайларда), оның ішінде балкондарда және салтанатты іс-шаралар өткізілетін орындарда Қазақстан Республикасының Мемлекеттік Туын пайдалануы (орнатуы, орналастыруы) мүмкін деп жазылған.
Мемлекеттік рәміздердің Орал қаласындағы қолданылуын бақылау және қала тұрғындары арасында насихаттау бағытында Орал қаласы әкімінің жанында мемлекеттік рәміздер жөніндегі комиссия тұрақты түрде жұмыс атқарып келеді. Комиссияның атқарушы органы болып Орал қалалық ішкі саясат бөлімі белгіленген.
Қазақстан Республикасының Мемлекеттік рәміздерін қолдану мен насихаттау мәселелері бо-йынша әдістемелік көмек көрсету мақсатында 2021 жылғы 18-21 мамыр күндері аралығында Орал қаласының мемлекеттік мекемелері мен ұйымдарына мониторинг жүргізілді. Мониторинг кезінде мемлекеттік рәміздердің бірінші басшылардың кабинетінде жаңа стандартқа сәйкес орналасуы, Қазақстан Республикасының мемлекеттік рәміздерін ауыстыру және жою жөніндегі комиссия туралы бұйрығы, мекеменің мөрі, фирмалық бланк, мемлекеттік тудың мемлекеттік мекеменің ғимараты сыртында түнгі уақытта жарықтандырылуы назарға алынды.
Мониторинг нәтижесі бойынша Орал қаласы мемлекеттік органдарының басым көпшілігінде қолданыстағы мемлекеттік рәміздер стандартқа сәйкес орналастырылғаны байқалды. Сонымен қатар кейбір мемлекеттік мекемелерде кемшіліктер анықталды. Мәселен, Қазақстан Республикасының Үкіметінің 2007 жылғы 1 қазандағы №862 қаулысының 2-бабына сәйкес әрбір мемлекеттік мекемеде рәміздерді ауыстыру және жою жөніндегі комиссия болуы міндетті. Дегенмен, Орал қаласының кәсіпкерлік және ауыл шаруашылығы бөлімінде және Орал қаласының тұрғын үй-коммуналдық шаруашылық, жолаушы көлігі және автомобиль жолдары бөлімінде Қазақстан Республикасының рәміздерді ауыстыру және жою жөніндегі комиссия туралы бұйрығы жоқ болып шықты. Яғни. комиссия құрылмаған
Сонымен қатар, «Қазақстан Республикасының мемлекеттік рәміздері туралы» ҚР 2007 жылғы 4 маусымдағы №258 Конституциялық заңына сәйкес, ғимараттарға тұрақты тігілген Мемлекеттік Туға тәуліктің қараңғы мезгілінде жарық түсіп тұруға тиіс. Орал қаласының мемлекеттік мекемелері ғимаратындағы мемлекеттік туы түнгі уақыттағы жарықтандырылуы бойынша бірқатар қателіктер анықталды. Соның ішінде, ҚР Әділет Министрлігінің Батыс Қазақстан облысы Әділет Департаментінің ғимараты, Батыс Қазақстан облысы білім басқармасының ғимараты, Қазақстан Республикасы Ұлттық Банкінің Батыс Қазақстан филиалының ғимараты, Батыс Қазақстан облысы ауыл шаруашылығы басқармасының ғимараты сыртындағы мемлекеттік ту түнгі уақытта дұрыс жарықтандырылмаған.
Орал қаласы ішкі саясат бөлімі
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу