КіруЕңбек шартына смартфоннан қол қоя алады
Енді қазақстандықтар жұмыс берушімен еңбек шартына тек қағаз түрінде ғана емес, смартфоннан да қол қоя алады. Жаңа сервис eGov Mobile мобильді қолданбасында қолжетімді.
Жұмыс беруші hr.enbek.kz порталында өзінің жеке кабинетінде электрондық еңбек шартының жобасын жасайды және оны жұмыскерге келісуге жолдайды.
«Жұмыскерге шартқа қол қою ұсынысымен eGov Mobile мобильді қолданбасында push-хабарлама келеді. Ол өзінің жеке басын қысқа парольмен, мобильді қосымшадағы биометриялық деректермен растайды, push-хабарлама арқылы өтеді. Әрі қарай еңбек шартымен танысады, егер шарттармен келіссе, қысқа кодты енгізіп немесе биометриялық деректермен тексеруден өтіп, өзінің ЭЦҚ көмегімен қол қояды», – деп жазылған «Ұлттық ақпараттық технологиялар» АҚ хабарламасында.
Жүйе hr.enbek.kz порталындағы жұмыс берушінің жеке кабинетіне хабарлама жібереді. Жұмыс беруші электрондық еңбек шартына ЭЦҚ немесе QR арқылы қол қояды. Жүйе қол қойылған электрондық еңбек шартын автоматты түрде Еңбек шарттарын есепке алудың бірыңғай жүйесіне тіркеуге жібереді, содан кейін шарт жасалған боп есептеледі. Сервис іске қосылған сәттен бастап, 775 электронды еңбек шартына қол қойылған.
Егер пайдаланушы мобильді қолданбаны орнатпаса, бірақ мобильді азаматтар базасында тіркелген болса, оған қолданбаны жүктеуге сілтеме, жаңа хабарламаның келіп түскені туралы ақпараты бар 1414 нөмірінен sms-хабарлама жіберіледі. Қолданбаға ең алғаш кірген кезде пайдаланушыға жіберілген барлық хабарламалар шығып тұрады.
Дереккөз: kazinform.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Еріктілермен бірге есірткі жарнамаларын жою акциясын өтті
