Кіру«Дропперлік» қызмет көрсеткен жігіт ұсталды
Батыс Қазақстан облысы ПД «Киберпол» полиция қызметкерлері жедел іздестіру іс-шаралары барысында 2005 жылы туған «М» есімді «дропперді» анықтап, қолға түсірді. Әлеуметтік желідегі «Telegram» қосымшасы арқылы жұмысқа тұрған ол қызметінің адам алдаумен байланысты екенін біле тұра, алданған адамдардың ақшаларын алаяқтарға жіберіп отырған.
3 тамыз күні сағат 11:00 кезінде өзін полиция қызметкерімін деп таныстырған белгісіз тұлға жол-көлік оқиғасына кінәлі деп танылған туысын қылмыстық жауапкершілікке тартпау туралы мәселені шешуге көмектесемін деген желеумен түрлі нөмірлерден қоңырау шалып, 1948 жылы туған зейнеткердің қаражатын қалталарына салып алған. Айта кету керек, алаяқтар курьердің көмегімен 3500 еуро мен 3500 доллар көлеміндегі ақшаны иемденсе, кейін қайта телефон соғып, қосымша 8 миллион теңге талап еткен.
Екінші жағдайда, «дропперлер» алаяқтарға Орал қаласының 1943 жылы туған тұрғынына тиесілі 4000 АҚШ доллары мен 68000 рубль ақшасын берген. Бұл жағдайда да алаяқтар туыстарын жауапкершілікке тартпау мәселесін шешу үшін ақша талап еткен. Қоңырау шалғандар «шабарман» жіберетіндерін, ешқайда барудың қажеті жоқ екенін айтады. Аталған фактілер бойынша ҚР Қылмыстық кодексінің 190-бабы бойынша сотқа дейінгі тергеу амалдары жүргізілуде.
БҚО ПД баспасөз қызметі
Версия для печатиСоңғы жаңалықтар
Қазақстандықтар 1 қаңтардан бастап саусақ іздерін тапсыруға міндеттеледі
Мал сою орындарының 70 пайызында бейнебақылау камералары орнатылды
Пікір үстеу