Кіру«ДАЛА ҚАРЛЫ БОЛСА, ЖАЗДА НӘРЛІ БОЛАДЫ»
Ұзақ уақыт қонақ болған қыс айларын биыл Жайық жұрты тамаша өткізді. Тоғайдың тылсым күшінен қуат алып, салауатты өмір салтын ұстанған оралдықтарға өз басым ризамын! Биыл БҚО әкімі Алтай Сейдірұлының бастамасымен оралдықтар бірнеше рет көпшілік шаңғы тебу шарасына белсене қатысып, қыс айларының әр сәтін мағыналы әрі тамаша өткізді.
Бүгінде көктемнің шуағы шұғыласын төксе де орманда омбы қар əлі жатыр. «Үш ай тоқсан» атанған кəрі құдаң қысты Жайығым жібергісі келмейтіндей. Көшеде жер жібігенмен, тоғайдағы күртік қардың мұртын балта шабар емес əзірге. Қыс бойы қызыл шұнақ аязға беттерін сүйгізіп шаңғы тепкен достарым, жерлестерім тоғайдың мөлдір ауасымен әлі күнге тыныстап жүр. Қыс қызығына тоймаған балақайлар да қардан əдемі ақ қала соғып қойыпты.
Бұйыртса, шаңғықұмар достарыммен қайта қауышуға жазғай Жаратқан! «Дала қарлы болса, жазда нəрлі болады» дейді. Табиғат-Ана ақ қарды тамырына тезірек сіңіріп, тасқынға – тосқауыл болғай. Егініміз жайқалып, ел-жұртым ақ нанға тойып, жадыраған көктем баршаңызға аппақ пейіл сыйлағай, ағайын!
Мира ХАМЗАҚЫЗЫ
Версия для печатиСоңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу