КіруЧЕМПИОНҒА ПӘТЕР СЫЙЛАДЫ
Қазталов ауданынан шыққан бір топ кәсіпкерлер әлемдік бәсекеде еліміздің көк байрағын көтеріп жүрген батысқазақстандық самбошы Нұрбол Серіковке екі бөлмелі пәтер сыйлады. Бүгін БҚО Қазақстан халқы Ассамблеясында өткен Жастар жылының салтанатты ашылу жиынында чемпионға пәтер кілті табысталды.
Нұрбол Серіков – 1993 жылы БҚО Қазталов ауданы Ақпәтер ауылында дүниеге келген. М.Өтемісов атындағы Батыс Қазақстан мемлекеттік университетінің түлегі Нұрбол Нәсіпкерейұлы – өткен жылдың қарашасында Румынияның Бухарест қаласында өткен чемпионатта самбодан әлем чемпионы атанды. 68 келі салмақта өнер көрсеткен Нұрбол финалда әзірбайжан палуанынан басым түскен еді.
Чемпионға пәтер сыйлауға «Орал транс» ЖШС басшысы Тұрарбек Тілемісов, «Жиенбай» ЖШС-ның директоры Александр Қарағойшин, «Ақсайстройсервис» ЖШС Қайнар Есмұханов, «Сартаев» ЖК-ның басшысы Әділгерей Сартаев, Самат Хасанов және Берік Құрманғалиев есімді кәсіпкер азаматтар демеушілік көрсеткен.
Эльмира НҰҒМАНОВА,
Рафхат ХАЛЕЛОВТЫҢ суреті
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу