Кіру«БОМБА ҚОЙЫЛҒАНЫН» ХАБАРЛАҒАН ӘЙЕЛ ҰСТАЛДЫ
27 қаңтар күні сағат 14.00 шамасында Орал қаласы полиция басқармасы жедел басқару орталығының 102 басқару операторына әйел адам хабарласып, Абай полиция бөлімшесіне бомба қойылғаны туралы ақпарат қалдырған.
Оқиға орнына барлық жедел қызмет өкілдері барып, саперлардың тексеріп шыққан. Бірақ, ешқандай жарылғыш табылмады. Жедел-іздестіру шаралары нәтижесінде БҚО ПД экстремизмге қарсы күрес басқармасының қызметкерлері жалған хабарлама жасаған әйелді анықтап, 1985 жылғы Орал қаласының тұрғынын ұстады.
Ұсталған азаматша қылмыстық процестік кодекстің 128-бабына сәйкес Орал қаласы Полиция басқармасының уақытша ұстау изоляторына қамалды. Аталған факт бойынша Қылмыстық кодекстің 273-бабы (Терроризм актісі туралы көрінеу жалған хабарлау) бабымен сотқа дейінгі тергеу амалдары басталды.
БҚО ПБ баспасөз қызметінің хабарлауынша, ұсталған әйел бұған дейін осы сынды қылмыспен қылмыстық жауапкершілікке тартылған. Бірақ, нәтиже көрсеткендей, одан сабақ алмаған көрінеді.
Заңға сәйкес мұндай қылмыс жасаған азаматқа 5 АЕК көлемінде айыппұл салынады. Не болмаса түзету жұмыстарына тартылуы немесе 5 жылға дейінгі мерзімде бостандығынан шектеу немесе сол мерзімдегі бостандығынан айыру жазасы тағайындалуы мүмкін.
«Жайық үні»
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу