КіруБІР АЙДА БЕС МӘРТЕ ҰРЛЫҚ ЖАСАҒАН
Орал қалалық Полиция басқармасының криминалдық полиция бөлімінің жедел уәкілдері велосипед, аккумулятор, су айдайтын электр компрессор сынды жеке мүліктерді ұрлады деген күдікке іліккен азаматты құрықтады. Бұл туралы Орал қаласы Полиция басқармасының баспасөз қызметі хабарлады.
1978 жылғы, еш жерде жұмыс жасамайтын, бұған дейін заң алдында жауапталған А. есімді азамат шілде айының басында ұрлық әрекеттеріне жол берген. Ол өзгенің гаражы мен үйінің есіктерін бұзып кіріп, енді бірінің саяжайдағы үйіне кіріп, қолына тигендерін жымқырып 5 рет ұрлыққа жол берген. Мысалы, 13 шілдеде «Локомотив» саяжай қоғамындағы бір үй ауласына емін-еркін еніп, көзіне бірінші түскен «Барс» маркалы аккумуляторды үптеген. Содан кейін электр компрессор, 1 бума электрод, т.б. жеке мүліктерді жиып-теріп, алып шыққан. 1954 жылғы саяжай иесі полицияға арыз жазып, 18 мыңға жуық теңгеге материалдық шығын келгенін айтты. Ал жасы қырықтан асқан күдікті ұрлық жасағанын мойындап отыр. Бүгінгі күні басқарманың уақытша ұстау изоляторына қамалды. Ұрлық фактісіне қатысты қылмыстық іс қозғалды.
zhaikuni.kz
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу