КіруБІЛІМ САЛАСЫ ҚЫЗМЕТКЕРЛЕРІНІҢ СПАРТАКИАДАСЫ БАСТАЛДЫ
Орал қаласында мұғалімдер мен білім саласы қызметкерлері арасында дәстүрлі спартакиада бастау алды.
«Орал» спорт клубы базасында ұйымдастырылып жатқан спартакиада жеті спорт түрі бойынша өтуде. Қалалық дене шынықтыру және спорт бөлімінің мәліметінше, биыл жарысқа қаладағы барлық білім ұялары қатысуға ниет білдірген. Команда құрамында директорлар, мұғалімдер мен мектеп қызметкерлері бар. Өткен жылы сайысқа 600 қызметкер қатысса, биыл қатысушылар 900-ге жеткен.
Жарыс бағдарламасына сай бүгін волейбол, үстел теннисі, керлинг, пневматикалық қарудан оқу ату, тоғызқұмалақ сайыстары басталды. 30 қаңтарда асық ату, бес асық, шаңғы жарыстары болады. Спартакиада 31 қаңтар күні финалдық волейбол ойындарымен тәмамдалады.
Жеңімпаздар диплом, медальдармен марапатталады. Басты марапат – ауыспалы кубок.
Айта кетейік, өткен жылы кубокты №14 мектеп командасы алды.
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу