КіруБЕС ЖАСАР БАЛАНЫ ҚОРҚЫТЫП…
БҚО полиция қызметкерлері баланың өмірін сақтап қалды.
Оқиға 8 желтоқсан күні болған. Күндізгі сағат 11.15 шамасында 102 басқару операторына Достық даңғылы №244 үйдің ауласында екі бейтаныс адамның төбелесіп жатқаны туралы хабарлама түседі. Шақырту орнына Орал қалалық жол-патрульдік полициясы батальонының патрульді экипажы полиция капитаны Мұхит Әбілқайыров пен полиция лейтенанты Жандос Құбаев дереу барған. Бірақ, олар келгенде аулада ешкім болмаған. Дегенмен, айқайлаған дауысты естіп, үйге кіргендерінде ер адамның бес жасар баланың мойнына пышақ тақап ұстап тұрғанын көреді. Ол баланы осылайша қорқытып, анасын шақыртпақ болған.
Полицейлер ер адаммен сөйлесу арқылы баланы құтқарып, ер адамды тұтқынға алды. Ол баланың анасымен бірге тұрып жатқан азамат болып шықты. Өзі 1993 жылы туған.
БҚО ПД баспасөз қызметі хабарлағандай, ұсталған азаматқа қатысты ҚР ҚК 115-бабы (Қорқыту) бойынша сотқа дейінгі тергеу амалдары басталған.
Баланың туғандары БҚО ПД бастығының атына алғыстарын айтып, ризашылықтарын білдіруде. Баланың өмірін сақтап қалған полицейлер басшылық тарапынан ескерусіз қалған жоқ, ақшалай сыйақы алды.
Айта кету керек, полиция қызметкері Мұхит Әбілқайыров бұған дейін, яғни 2015 жылдың мамырында «Хлебзавод» ауданындағы үйлердің бірінде түтінге тұншығып, есін жоғалтқан ер адамды балконнан төменге түсіріп, өмірін сақтап қалуына жәрдемдескен болатын. Ал 2016 жылдың 4 наурызында М.Әбілқайыров әріптесімен бірге төртінші қабаттан секірмек болған қызды құтқарды.
2015 жылы Мұрат Әбілқайыров ҚР Президенті Н.Назарбаевтың Жарлығымен «Ерлігі үшін» медалімен марапатталды.
Версия для печатиСоңғы жаңалықтар
Қазақстан Республикасының Президенті Қасым-Жомарт Тоқаевтың Астана күнімен құттықтауы
Мемлекет басшысы Қасым-Жомарт Тоқаев құқық қорғау органдарының кеңейтілген алқа мәжілісінде сөз сөйледі
Жәнібек аудандық сотында 11 жыл бұрынғы өлім фактісін анықтау туралы азаматтық іс қаралды
Оралда жол апаты: үш көлік соқтығысып, жаяу жүргінші жолы тағы да қауіпке айналды!
Тоқаев Қытай үкіметіне 1500 ақбөкен сыйға тарту туралы шешімін жариялады
Батыс Қазақстан облысында энергетикалық әлеуетін арттыру жұмыстары жалғасуда
Об Агентстве по атомной энергии Республики Казахстан
Пікір үстеу