КіруБАТЫСҚАЗАҚСТАНДЫҚ ӨРТ СӨНДІРУШІ «ЖЫЛ ПАТРИОТЫ» АТАНДЫ
БҚО ТЖД №2 өрт сөндіру қызметінің қызметкері Андрей Сурко «Жыл патриоты» атанды.
Ағымдағы жылдың 5 желтоқсан күні елордамыз Астана қаласының «Қазақстан» орталық концерт залында дәстүрлі республикалық патриоттар форумы өтті. Форумның мақсаты – халықтың патриоттық рухын нығайтып, мемлекеттік рәміздерге құрметпен қарауға тәрбиелеу. Республикамыздың әр аймағынан 200 делегат қатысқан бұл форумға облысымыздан, соның ішінде Қызметтің №2 өрт сөндіру бөлімінің командирі, азаматтық қорғау прапорщигі Андрей Антонович Сурко қатысты. Форум барысында өз ісін асқан ықыласпен орындап, күнделікті еңбегі мен үлгілі ісімен жұрт назарына ілінген Андрей Антонович «Жыл патриоты» номинациясымен марапатталды.
Тәуелсіздігіміздің 27 жылдық мерейтойына орай халық өмірін құтқаруда өлшеусіз үлес қосып келе жатқан қызметкеріміздің осындай жетістікке ие болуы – біз үшін үлкен мәртебе.
Бұған дейін талай мәрте үздіктердің қатарында келе жатқан қызметкерімізге алдағы уақытта да еңбегіне табыс тілейміз!
Арайлым Ғани, Батыс Қазақстан облысы төтенше жағдайлар Департаменті өрт сөндіру және авариялық-құтқару жұмыстары қызметінің мемлекеттік тіл және ақпарат тобының баспасөз хатшысы
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу