Кіру21 Желтоқсан 2020 1366 0
ҚоғамБАТЫСҚАЗАҚСТАНДЫҚ ҚОС САҚШЫ «ЕРЛІГІ ҮШІН» МЕДАЛІМЕН МАРАПАТТАЛДЫ
Тәуелсіздік мерекесі қарсаңында Орал қалалық Полиция басқармасы ППБ кезекші бөлімінің аға инспекторы полиция капитаны Ерлан Қожасов пен ППБ қызмет инспекторы полиция аға лейтенанты Парасат Жолбаев Қазақстан Республикасы Президентінің 2020 жылғы 3 желтоқсандағы Жарлығы бойынша «Ерлігі үшін» медалімен марапатталды. Қазақстан Республикасының Ішкі істер министрі Ерлан Тұрғымбаев қос сақшыға медальді салтанатты түрде тапсырды. Бұл туралы БҚО Полиция департаментінің баспасөз қызметі хабарлады.
Еске сала кетейік, есімі аталған сақшылар 2020 жылғы 12 наурызда өзіне қол жұмсамақ болып көпірден суға секіріп кеткен қыз баланы құтқарған еді. Нақтырақ айтсақ, кешкі сағат 20.30 шамасында қала аумағындағы бір аймаққа бекітілген Парасат Жолбаев қызметіне келе жатқан беті екен. Кенет төс қалтасындағы рацияға Деркөл көпірінен бір қыз баланың секіріп кеткені туралы суыт хабар түседі. Сол мезетте полиция қызметкері алған бетінен дереу кері бұрылып, Деркөл ауылына бет алған. Көпірге жеткен бойда Шаған өзені бетінде қалқып жүрген әйел адамның денесін байқайды. Дереу төменге түсіп, жағаға жеткенде әріптесі Ерлан Қожасовты көреді. Екеулеп жағаның әрірек тұсынан ескілеу қайық тауып әкеледі. Қайыққа отырып, қозғалыссыз жатқан денеге қарай жақындайды.
-Бойжеткеннің денесі мүлдем қозғалыссыз жатты. Дереу жанталасып басын көтердік. Тұншығып жатқанын байқадым. Алғашқы медициналық жәрдем көрсеттік. Ол ішіне көп көлемде салқын су жұтып қойған. Тынысы тарылып, көгеріп барады. Денесі мұздай. Әріптесім серік болып, дем беріп, кеуде тұсына жанталасып массаж жасадық, – деді полиция аға лейтенанты Парасат Жолбаев. Осылайша полиция қызметкерлері тағы бір жанға араша болып, көзсіз ерліктің үлгісін көрсеткен болатын.
Еңбектері еленіп, қазақтың ержүрек ұлдарының, білекті, қайсар сақшылардың өңірі тағы бір мемлекеттік наградамен толықты.
Версия для печатиСоңғы жаңалықтар
Қалалықтар қаперіне
Құқық бұзушылыққа жол бермейтін Telegram чат боты іске қосылды
11 Қазан 2024
3562 0
Пікір үстеу