КіруБАТЫС ҚАЗАҚСТАН ОБЛЫСЫНДА ӘКЕЛЕР ФОРУМЫ ӨТТІ
Елбасының «Болашаққа бағдар: рухани жаңғыру» мақаласы аясында бүгін Х.Бөкеева атындағы облыстық қазақ драма театрында білім басқармасының ұйымдастыруымен «Әке жолы – ізгі жол» атты облыстық әкелер форумы өтті.
Үлгілі әкелердің басын қосқан шараның мақсаты – ұлттық дәстүрімізге құрмет көрсете отырып, жастардың бойына Отаншылдық, патриоттық сезімдерді қалыптастыру, әке мен бала арасындағы қарым-қатынас туралы түрлі көзқарастар мен тұжырымдарды бір ортаға шоғырландыру, жаңашыл идеяларға қолдау көрсету болды.
Форумда аудан, қала мектептерінің «Отбасылық мұра» тақырыбында көрме ұйымдастырылды. Шараға облыс әкімінің орынбасары М.Сатқанов, Қазақстанның еңбек сіңірген мәдениет қызметкері, ақын Ш.Қыдырниязова, профессор, филология ғылымдарының докторы М.Сабыр, тарих ғылымдарының кандидаты, доцент Ж.Жақсығалиев, БҚО бойынша «Әкелер Одағы» төрағасы М.Дюсембеев, қоғам қайраткерлері, аудан, қала мектептерінің үлгілі әкелері және балалары қатысты. Пленарлық мәжіліске білім басқармасының басшысы Ш.Қадырова модераторлық етті. Шақырулы қонақтар баяндама жасап, отбасы құндылықтары, ұлттық сана, бала тәрбиесіндегі әкенің рөлі турасында ой-пікірлерін ортаға салды. Форум аясында отбасы құндылықтары мен әкенің қоғамдағы рөлін насихаттайтын бейнеролик көрсетілді. Қатысушыларға облыс әкімі және БҚО бойынша «Әкелер одағының» атынан алғыс хаттар табысталды.
Қазақ қоғамында қадым заманнан бала тәрбиесіне бей-жай қарамаған. Әкелеріміз баланы ертеңгі ел қорғайтын ер, ұлттың намысты азаматы ретінде әділдікке, қайсарлыққа, мәрттікке тәрбиелеген. «Баланы жастан» деген аталы сөздің астарынан қазақтың бала тәрбиесіне қаншалықты көңіл бөлгенін, әке тәрбиесінің маңызын аңғаруға болады.
Әрбір отбасында ата-ана арасында береке-бірлік болса, сол шаңырақтың түтіні де түзу шығып, үлкенге құрмет, кішіге ізет көрсете білетін, парасаты мен пайымы жарасқан саналы ұрпақ тәрбиеленері сөзсіз.
БҚО білім басқармасы баспасөз қызметі
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу