КіруБағланованың рухына бас иді…
Жайық жұртшылығын әсем ән мен күмбірлеген күйге бөлеп келе жатқан Ғ.Құрманғалиев атындағы облыстық филармониясы 12-сәуірде көрермендерге тамаша кеш сыйлады. Хадиша Бөкеева атындағы облыстық қазақ драма театрында аталмыш іргелі ұжым КСРО және Қазақстанның халық артисі, Халық қаһарманы Роза Тәжібайқызы Бағланованың 100 жылдығына арналған концерт өткізді. «Ән падишасы» атты тақырып таңдалған ән кешінде
Роза Тәжібайқызының репертуарындағы халық әндерін оралдық өнерпаздар шырқады. Кеште дәстүрін жаңғыртып, дала сазын аспан көгінде қалықтатқан бір топ таланттылар сахнада өнер көрсетіп, дүйім елдің ықыласына бөленді. ҚР еңбек сіңірген қайраткері Жаңылсын Хасанова, ҚР Мәдениет саласының үздіктері Ақсұлу Жұмалиева мен Майра Хайдарова, Ақмарал Ахметова және Дария Бақытова, халықаралық республикалық конкурстардың лауреаттары Галина Калашникова, Ардақ Айғалиева, Айдана Ажғалиева, Айда Ғабдиева, Айым Шекеева, Наргиза Сүлейменова, Гүлназ Ғиниятовалар тыңдармандар алдында Роза Тәжібайқызының репертуарындағы әндерді нақышына келтіре орындады. Сондай-ақ, кеште «Ерен еңбегі үшін» медалінің иегері Жаскелең Ғайсағалиев,
«Назерке» халық биі ансамблі және «Step up» би тобы өнер көрсетті.
Жанды дауыста ән айтқан бұлбұл үнді өнерлі жандарды «Орал сазы» фольклорлық ансамблі және «Ән қанатында» вокалды инструменталды ансамблі сүйемелдеді.
Көрермендер халқымыздың сүйікті әншісі Роза Бағланованы естеріне түсіріп, рухына тағзым жасады.
Сымбат ҚЫПШАҚБАЙ
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу