КіруБӨРЛІ АУДАНЫНДАҒЫ МЕКТЕПТЕРГЕ ШАҒЫН АВТОБУСТАР БЕРІЛДІ
Автобустар үнемделген аудандық бюджет қаражаты есебінен алынып, 15 мектепке берілді. Бұл туралы Бөрлі аудандық әкімдігінің инстаграмдағы парақшасында аудан басшысы Миржан Сатқанов жазды.
«Өткен жылдың үнемделген аудандық бюджет қаражаты есебінен ауданымыздың 15 мектебіне шағын автобустар алып беру мүмкіндігі туды. Бұл аудан тұрғындары, мектеп ұжымдары, оқушылары үшін үлкен қуаныш. Бүгін аталған автокөліктерді ел Тәуелсіздігінің 30 жылдығына орай, мектеп ұжымдарына табыстай отырып, оқушыларының тасымалына, олардың сапалы да саналы білім алып, еліміздің дамуына өз үлесін қосатын азамат болып өсіп жетілуіне септігін тигізеді деп сенім білдірдім»,- деген жазбада Бөрлі ауданының әкімі Миржан Сатқанов.
Сондай-ақ аудан басшысы Мемлекет басшысы Қасым-Жомарт Тоқаевтың «Жаңа жағдайдағы Қазақстан: іс-қимыл кезеңі» атты Қазақстан халқына Жолдауында білім саласына қатысты мәселелерге ерекше тоқталып, білім беру сапасын жақсарту, балалардың қабілетін дамыту, ұстаз мәртебесін көтеру, мұғалімдердің жалақысын өсіру, қолжетімді әрі сапалы білім беруде мемлекет қарапайым мектептерге қолдау көрсетеді» деп атап көрсеткендей, ауданда білім беру саласын дамытуда жүйелі іс-шаралар іске асырылып жатқанын жеткізді.
zhaikuni.kz
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу