КіруБҚО ТҰРҒЫНДАРЫНЫҢ 41 ПАЙЫЗЫ ЕКПЕ АЛДЫ
Бүгін, 16 шілде күні өңірлік коммуникациялар қызметі ұйымдастырған брифингте обыстың бас мемлекеттік санитариялық дәрігері М.Арыспаев вакцинация алу арқылы пандемияны тоқтатуға болатынын атап өтті.
2021 жылдың 1 ақпанынан бастап өсу қарқынымен вакцинаның 1-ші компонентін 147 611 адам алған. Бұл – облыс тұрғындарының 41 пайызы. 2-ші компонентін 80 971 адам (22,4 пайыз) алған.
– Екпе жұмыстары жалғасуда. Кеше мемлекеттік бас санитариялық дәрігерінің №32 қаулысы шықты. Қаулыға сәйкес, вакцинацияның бірінші кезеңі 10 тамызға дейін, екінші кезеңі 1 қыркүйекке дейін ұзартылды. Пандемияны вакцинация арқылы ғана тоқтата алатынымыз атап өтемін, – деді Мұхамғали Арыспаев.
Батыс Қазақстан облысында 2021 жылдың 1-ші ақпанынан бастап халықты коронавирустық инфекцияға қарсы кезең-кезеңімен вакцинациялау жұмыстары басталды. Облыс бойынша барлығы 66 екпе пункті жұмыс істейді.
Спикер қазіргі уақытта облыста Спутник-V, QazVac, Hayat-Vax, Коронавак вакциналары бар екенін атап өтті.
Айта кетейік, пандемия басталғалы бері өңірде коронавирустық инфекцияның 27 819 зертханалық расталған жағдайы анықталды. 1 шілдеден бері COVID-19-дың 2836 жағдайы тіркелген.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу