КіруБҚО ӘКІМІ: «МЫНАДАЙ ҚАРҚЫНМЕН БІЗ ДӘРІГЕРЛЕРСІЗ ҚАЛУЫМЫЗ МҮМКІН»
БҚО әкімі Ғали Есқалиев фейсбуктегі парақшасында облыстағы коронавирус жағдайы бойынша жазба қалдырды.
«Бүгінде облыста коронавирус инфекциясын жұқтырғандар саны көбейіп келеді. Түгел отбасы, ұжым болып ауру жұқтырған жағдайлары көптеп тіркелуде. Ауруханаларда қазірдің өзінде 200-ге жуық адам ем алып жатыр. Вирустың қауіптілігі соншалық, ауру жұқтырғандар арасында пневмонияға шалдыққандар саны өсуде. Арнайы оттегімен 58 адам дем алып жатса, өкпені жасанды желдету аппаратына 2 адам қосылған. Дәрігерлердің айтуынша, халық қызметркерлері арасында вирус қоздырғышы бар, бірақ аурудың айқын белгілері жоқ адамдар көп. Оларда дене қызуы, жөтел және т.б. ауру белгілері жоқ. Бірақ, олар иммунитеті әлсіз адамға жұқтыруы мүмкін. Яғни, облыста вирустық инфекцияның таралуы қарқын алғанын байқауға болады. Бірақ көп адамдар үйде емделіп, медициналық қызметкерлерге уақытылы жүгінбей жүр. Ауруханаға жатудан бас тартатын вирусты жұқтырған азаматтар да кездеседі. Нәтижесінде бәрі ауруханаға коронавирустың асқынған түрімен түседі. Жұқпалы аурулар ауруханасында жатқандардың ішінде әр түрлі жастағы адамдар, оның ішінде балалар да бар» – деп жазды Ғали Нәжімеденұлы.
Өңір басшысы ауруханаларда орын тапшылығы болғандықтан басқа ауруханалардың босатылып жатқанын жазды. Бұл басқа ауруларға, мысалы, жүрек ауруларына, қан қысымын емдеуге арналған жоспарлы шаралар мен операциялар азаятынын білдіреді. Сондай-ақ облыс басшысы медицина қызметкерлеріне күш түсіп отырғанын атап өтіп, тұрғындарды сақтық шараларын сақтауға шақырды.
«Біздің дәрігерлер мен олардың көмекшілеріне, жүргізушілер мен санитарларға үлкен күш түсіп отыр. Олардың басым көпшілігі бірнеше ай бойы балаларын құшағына алып, отбасыларымен жүздеспеген. Қымбатты жерлестер, мынадай қарқынмен біз дәрігерлерсіз қалуымыз мүмкін. Егер тұрғындар сақтық шараларын сақтамай, одан әрі тойлар, ұжымдық кездесулер өткізе берсе, қатаң шектеу шараларын қайтадан енгізуге мәжбүр боламыз. Мен барлық облыс тұрғындарынан барлық сақтық шараларды сақтауды, көп адамдар жиналатын жерлерге бармауды, іс-шаралар, тойлар мен садақаларды өткізбеуді, сатушылардан, автобус жүргізушілерінен қорғаныс шараларының (маскалар, антисептиктер және т.б.) сақталуын және соңғы аялдамаларда автобустарды дезинфекциялауды талап етуді, шағын отбасылық жиындарды үйде емес, ашық жерде, сыртта өткізуді сұраймын. Кәсіпорындар мен шағын орта бизнес иелерінен мүмкіндігінше өз қызметкерлерін қашықтықтағы жұмысқа ауыстыруды сұраймын. Кейбір мекеме ұжымдарында жаппай ауру жұқтырған фактілері де кездесіп отыр. Сол себепті мемлекеттік және бюджеттік мекемелердің 70% қызметкерлері қашықтықтан жұмыс істеуге ауысты. Аурудың таралуы төмендемесе, дәрігерлердің тапшылығы пайда болуы мүмкін«, – деді облыс әкімі.
Ғали Есқалиевтің жазуынша, қазіргі уақытта жеке секторда жұмыс жасайтын медбикелер, санитарлар, рентгенологтар, анестезиологтар және т.б. мамандардың көмегі қажет. Егер көмектесуге дайын мамандар болса, 87774760377 (Марат Бектемірұлы Хайруллин) WhatsApp нөміріне хабарласса болады.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу