КіруБҚО-ДАҒЫ ҚОС АУДАНДА ЖАҢА СОТ ҒИМАРАТЫ САЛЫНАДЫ
Бүгін өңірлік коммуникациялар алаңында өткен баспасөз мәслихатында БҚО сотының төрағасы Бек Әметов сот жүйесін одан әрі дамыту бойынша белгіленген жеті басым бағыт бойынша қолға алынған жұмыстар туралы айтып, «Үлгілі сот» басымдығы аясында Қаратөбе ауданында жаңа сот ғимаратының құрылысы басталғанын, ал Тасқала ауданында жаңа ғимарат салынатынын айтты.
Қазіргі уақытта облыстағы соттардың жағдайын жақсарту, келушілерге қолайлы орта қалыптастыру, олардың тиесілі құқықтық қызметті уақытылы, қолжетімді алуына жағдай жасалуда. Тағайындалған істердің уақытқа сай өтуі, аудио-бейнеқұралдармен жабдықталуы да үлгілі сот қалыптастырудың бірден бір тетігі екені даусыз. Облыстық сот төрағасының айтуынша, биыл өңірде екі жаңа сот ғимараты бой көтереді.
– Тасқала ауданындағы сот ғимараты ескі және ол қамысты құраммен салынған. Жөндеуге келмейді. Қазір осы мәселемен айналысудамыз. Бұйырса, жаңа ғимарат салынады. Қаратөбеде мүлде сот ғимараты болмаған еді. Өткен жылы жаңа ғимараттың құрылысын бастадық. Ол биыл аяқталады, – деді Бек Әметұлы.
Сонымен қатар сот төрағасы Орал қаласының №2 соты мен Батыс Қазақстан облысының мамандандырылған ауданаралық экономикалық соты ғимараттарында пайдаланушыларға көрсетілетін сот қызметтерінің сапасын жақсарту мақсатында фронт-кеңсе ашу жұмыстары жүргізіліп жатқанын жеткізді.
Елмұра АСХАТҚЫЗЫ
Версия для печатиСоңғы жаңалықтар
1,2 млрд теңгенің спорт кешені. Жаңаөмірдегі нысан кімнің қолдауымен салынды?
Президент: «Мұндай маңызды шешім кең ауқымды талқылау арқылы қабылдануға тиіс»
Медициналық технологиялар және биоресурстар: БҚО мен Қытай компаниясының бірлескен жобасы талқыланды
Бүгін Қазақстан мен Еуропалық одақ визалық режимді жеңілдету туралы келіссөздерді бастайды
Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады
Пікір үстеу