КіруБҚО-ДА ҮШ МЕКТЕП САЛЫНАДЫ
БҚО-да төрт мектеп үш ауысымда жұмыс жасауда. Бүгін өңірлік коммуникациялар қызметі алаңында өткен баспасөз мәслихатында облыстық білім басқармасының басшысы Шолпан Қадырова өңірдегі апаттық жағдайдағы және үш ауысымды мектептер мәселесінің шешілуі туралы айтты.
2018 жылы облыста 7 білім нысанының құрылысы аяқталып, қолданысқа берілді. Атап айтқанда, Орал қаласы Деркөл кентінде 600 орындық мектеп, Зеленов ауданы Дариян ауылында 100 орындық мектеп жанындағы интернатымен 300 орындық мектеп, Орал қаласының Зашаған кентінде 900 орындық мектеп, Ақжайық ауданының Шабдаршап ауылында 198 орындық мектеп, Бөкейордасы ауданы Сайқын аулында 70 орындық интернат, Қазталов ауданы Қазталов ауылында саз мектебі, Бөрлі ауданының Ақсай қаласында 240 орындық балабақша пайдалануға берілді.
Бүгінде Теректі ауданының Сары Өмір ауылында 48 орындық сауықтыру лагері ғимаратының құрылысы жалғасуда.
2018-2019 оқу жылының басында облыста 5 апаттық жағдайдағы мектеп жұмыс жасады. Олар – Орал қаласы бойынша №31, 33 орта мектептер, Ақжайық ауданы Абай атындағы гимназиясы және М.Өтемісов атындағы орта мектеп, Қазталов ауданы А. Оразбаева атындағы орта мектеп. Мектептердің апаттылығын жою мақсатында 2 мектептің құрылысына жобалау-сметалық құжаттамалары әзірленген. Яғни биыл Қазталов ауданы Қазталов ауылында 600 орындық А.Оразбаева атындағы орта мектеп, Ақжайық ауданы Чапаев ауылында 300 орындық мектептің құрылысы басталады.
Шолпан Маратқызының айтуынша, 2018-2019 оқу жылының басында 5 үш ауысымды мектеп анықталса, 2018 жылдың 4 тоқсанында Зашаған кенті Сарытау шағынауданында 900 орындық №50 мектеп пайдалануға беріліп, үш ауысымды мектептер саны 1 бірлікке азайған.
Қазіргі таңда, Орал қаласының аумағында орналасқан 4 мектеп үш ауысымда жұмыс жасауда. Биыл Орал қаласы Зашаған кентінде №51 мектептің құрылысын бастау жоспарлануда. Осылайша, үш ауысымдағы мектептер мәселесін шешу жұмыстары жалғасатын болады.
Эльмира НҰҒМАНОВА
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу