КіруБҚО-ДА ҮШ АУЫСЫМДЫ МЕКТЕПТЕР МӘСЕЛЕСІ ОҢ ШЕШІЛУДЕ
Бүгін Орал қаласы Сарытау шағынауданында жаңа мектеп ашылды. «Нұрлы жер» бағдарламасы аясында салынған мектеп 900 орынға арналған.
Білім ұясының ашылуына облыс әкімі Алтай Көлгінов, қала басшысы Мұрат Мұқаев, кент тұрғындары, білім саласының қызметкерлері қатысты.
– Осы мектептің ашылуымен Зашағандағы №10 және 47 мектептердегі үш ауысымда оқыту мәселесін шештік. Елбасымыздың біздің алдымызға қойған үш ауысымды мектептер мәселесін шешу тапсырмасының орындалуының нәтижесі – осы. Енді апатты жағдайдағы білім ұяларын шешу міндеті тұр. Ол үшін құжаттамалары дайын. Алдағы көктемде және жазда жаңа мектептер құрылысы басталады. Мәселен, Ақжайық ауданы орталығында 300 орындық интернатымен жаңа мектеп салынады. Қазталовтағы Алма Оразбаева атындағы мектептің орнына 600 орындық мектеп салынады. Сондай-ақ осы Зашағанда №51 орта мектеп салынады. Осылайша, үш ауысымда оқыту мәселесі оң шешіледі, – деген Алтай Сейдірұлы кент тұрғындарын, білім саласы қызметкерлерін Тәуелсіздік күнімен, жаңа мектептің ашылуымен құттықтады.
Бұл мектептің салынуын кент тұрғындары ұзақ күткен болатын. Ардагер-ұстаз Мәрзия Аженова кентте заманауи үлгіде салынған мектеп үшін Елбасына, облыс басшысына алғысын білдіріп, білімді шәкірттердің көп болуын тіледі.
Мектеп құрылысын жүргізген «Жиенбай» ЖШС басшысы Александр Қарағойшин жаңа ғимараттың кілтін салтанатты түрде мектеп басшысына табыс етті. Дәстүрлі лента қию рәсімі Мәрзия Төлебайқызы мен үздік оқушы Даргүл Өмірзақоваға ұсынылды.
Бұдан соң шақырылушы қонақтар, ата-аналар, мектеп оқушылары білім ұясын аралап көрді.
Тоғыз блокты мектеп кешенінде 12 оқу сыныбы, 9 әмбебап бөлме, екі спорт зал, 294 орындық мәжіліс залы, 156 орынға арналған асхана, еңбек сабақтарына арналған шеберханалар бар. алты мультимедиялық , төрт информатика кабинеті бар. География, биология кабинеттері лабораторияларымен жабдықталған. Жоғарғы қабатта желдету құрылғылары, сынып бөлмелеріне қол жуғыштар қойылған.
Кәусар БАЙҒАЛИЕВА
Версия для печатиСоңғы жаңалықтар
79,3% казахстанцев характеризуют обстановку в стране как благополучную или стабильную
Мемлекеттік қызметшілерге сыбайлас жемқорлыққа қарсы менеджмент және комплаенс мәселелері түсіндірілді
Денсаулық сақтау саласындағы сыбайлас жемқорлық тәуекелдерінің алдын алу
Сыбайлас жемқорлық тәуекелдерін ішкі талдау мәселелері талқыланды
«ЖАЙЫҚ ЖҮЙРІГІ – 2026»: Жүйріктер додасының жеңімпаздары анықталды
Оралда алғаш рет «JAIYQ SAZY» халықаралық этнофестивалі өтті
Оралда қала күніне орай І халықаралық «JAIYQ SAZY» этнофестивалі өтті
ОБЛЫС ӘКІМІ РЕСПУБЛИКАЛЫҚ АРДАГЕРЛЕР КЕҢЕСІНІҢ ТӨРАҒАСЫ ӘБІЛҒАЗЫ ҚҰСАЙЫНОВПЕН КЕЗДЕСТІ
Президент VІ Дүниежүзілік көшпенділер ойындарының жеңімпаздары мен жүлдегерлерін марапаттады
Строительство АЭС создаст новые возможности для специалистов и бизнеса в Казахстане – эксперт
Не только физики-ядерщики: студентам рассказали, кому найдется работа на будущих АЭС Казахстана
Мемлекет басшысы теннисші Елена Рыбакинаны «Әлемнің бірінші ракеткасы» атағына ие болуымен құттықтады
Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді
Президент Республики Казахстан Касым-Жомарт Токаев на днях дал эксклюзивное письменное интервью агентству Синьхуа
Теміржол саласында сыбайлас жемқорлықтың алдын алу мәселелері талқыланды
Пікір үстеу