КіруБҚО-ДА ӘЙЕЛДЕР МЕРЕКЕСІНЕ АРНАЛҒАН КОНЦЕРТ ӨТТІ
8 наурыз – халықаралық әйелдер мерекесіне орай Х.Бөкеева атындағы қазақ драма театрында мерекелік концерт өтті. Зал толы нәзік жандыларды БҚО әкімінің орынбасары Ғабидолла Оспанқұлов құттықтады.
– Армысыздар, қадірменді аналар, ақ жаулықты әжелер, құрметті ханымдар. Бүгін, міне, халықаралық әйелдер мерекесінде көрісіп отырмыз. Мереке баршаңызға құтты болсын. Сіздерге, әр отбасыға бақыт-береке, жақсылық тілеймін. «Ана – бір қолымен бесік тербесе, екінші қолымен әлемді тербетеді» дейді. Ұлттың тәрбиесі отбасыдан, ошақтан басталады. Ал отбасының негізін құраушы – әйел. Сондықтан сіздердің еңбектеріңіз қоғамда өте жоғары. Осылай жарқырап, жайнап, көктемнің бүгінгі күніндей нұрланып жүре беріңіздер, – деді Ғабидолла Абдоллаұлы.
Мерекеге арналған бағдарламаны Ғ.Құрманғалиев атындағы облыстық филармония ұсынып, концерт «Ана» әнімен басталды. Әсем ән, тамаша бимен көркемделген шара
«Тақиялы періште» кинофильмінен қойылған көрініспен айшықталды. Басты рөлдегі Ана образын белгілі актриса Әсел Мәмбетова сомдады.
Әншілердің орындауындағы әсем әуен мен өнерпаздар орындаған көркем би нәзік жанды аруларға әдемі көңіл күй сыйлады. Бұл концерт қоғамның әйелдерге деген айрықша құрметін айғақтаған шара болды.
Версия для печатиСоңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу