КіруАВИАМОДЕЛЬДЕУДЕН ОБЛЫСТЫҚ ЖАРЫС ӨТТІ
Оралдағы физика-математикалық бағыттағы Назарбаев Зияткерлік мектебінде Қазақстан Республикасының Тәуелсіздігі күніне орай авиамодельдеу спорты бойынша облыстық жарыс өтті. Үш бөлім бойынша ұйымдастырылған сайысқа 80-ге тарта оқушы қатысты.
Модельдердің әрбір класында жеке және командалық біріншілік ойнатылды. Нәтижесінде 400 мм-ге дейін планерлер жарысында І орын Ырысбек Сапарғали (Теректі), ІІ орын Аян Қадырбай (облыстық балалар техникалық шығармашылығы орталығы), ІІІ орын Еркебұлан Асқаров (Атырау облысы) иеленді. 400 мм-ден жоғары сайыста І орын Азамат Орынбаев (ОБТШО), ІІ орын Арсен Нугмановқа (Орал НЗМ) бұйырды, ал ІІІ орынға Ерасыл Жомарт (ОБТШО) лайық деп танылды. Резиномоторлы модельдер бойынша І орын Алихан Иденов (Орал НЗМ), ІІ орын Саят Рамазан (Теректі), ІІІ орынды Роман Савичев ОБТШО) өзара бөлісті. Жалпыкомандалық есепте Зияткерлік мектеп командасы жеңімпаз атанса, теректіліктер ІІ орынға тұрақтады, ал үздік үштікті балалар техникалық шығармашылығы орталығы түйіндеді.
– Зияткерлік мектепте авиамодельдеу үйірмесі 2014 жылдан бастап жұмыс істейді. Біз тек құрастырумен ғана емес, ғылыми жобалармен айналысамыз. Мәселен, үйірме қатысушысы Аружан Көптілеу Англиядағы халықаралық жарыстан жүлде алып келді. Қазір Венгрияда осы сала бойынша білім алуда, – дейді Зияткерлік мектептегі үйірме жетекшісі Сергей Кузнецов. Облыстық балалар техникалық шығармашылығы орталығының директоры Жеңіс Шонбаевтың айтуынша, 2020 жылы авиамодельдеуден республикалық жарыс Оралда өтеді деп жоспарлануда.
Версия для печати
Соңғы жаңалықтар
Құқық бұзушылыққа жол бермейтін Telegram чат боты іске қосылды
Пікір үстеу