КіруАУА РАЙЫНЫҢ ҚҰБЫЛУЫНА БАЙЛАНЫСТЫ ШҰҒЫЛ КЕҢЕС ӨТТІ
Синоптиктер ертең, 25 қаңтар күні Батыс Қазақстан облысы аумағында қатты боран соғып, қар жаууы ықтимал деп болжам жасап отыр. Жел ұйытқып, көктайғақ болады деп күтілуде. Осыған орай бүгін Орал қаласы әкімі М.Мұқаев әкімдік жанындағы төтенше жағдай жөніндегі комиссия мүшелерін, коммуналдық қызмет саласы мамандарын, ПИК жетекшілерін жинап, шұғыл кеңес өткізді.
«Батыс су арнасы» АҚ, «Жайық жылу қуат» АҚ, «Батыс Қазақстан электр желілерін тарату компаниясы» АҚ басшылары тұрғындар тарапынан шағымдар жоқ екенін, жұмыс қалыпты жүріп жатқанын жеткізді. Қалаға қарасты округтерде коммуналдық сала бойынша жағдай тұрақты, қар штаттық кестеге сай шығарылуда. Елдімекендерге жол аршылуда. ПИК-тер де қар тазалығына белсенді кіріскен. Дегенмен, абаттандыру жұмысына немқұрайлы қарайтын ПИК-тер де бар. Қала басшысы бұл ПИК-термен жекелей жұмыс жасау қажеттігін және құмды қоспалармен қамтамасыз етуді тапсырды.
– Адамдарға қолайлы жағдай жасауымыз керек. Ертеңгі түсетін қар болжам бойынша 12-13 см. болады деп күтілуде. Қолда бар техникалардың барлығын және қосымша техникаларды жұмылдыруымыз қажет. Түні бойы қар тазалайтын автотізбекті де 5-7 көліктен кем қылмаған дұрыс. Өзімнен бастап барлық бірінші басшылар кезекшілікте болады. Ертеңгісін жұмыс уақыты басталғанша қала көшелерін тазалап үлгеру керек. Сондықтан ПИК-тер де жұмысшыларын ертемен жұмысқа шығаруларын сұраймын. Қоғамдық көліктердің жол қозғалысына кедергі болмайтындай жағдай жасау – міндет, – деді Мұрат Рахметұлы.
Кәусар БАЙҒАЛИЕВА
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу